Dutɛrɔnome 4:45 - Yálá laawoo hɛɓɛ (dc)

⁴⁵ Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Yálá laawoo hɛɓɛ

⁴⁵ Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Bible

⁴⁵ È berei lɛ̀ dîa da pɔ̂ri tuâi la a tãi dí kùla Ize lɔii sui.

Dutɛrɔnome 4:45 Referans Kwoze

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 119:24

Ə́ wɔ tɔn nwooɠaai kaa a gwə́inɛ̨ɛ̨ mɛ̨nį, diɛ ɓə da níɛwooɓo.

Mąątɛ̨nɛ̨ 119:22

'Gúlɔ lalan da tɛɠɛɓoɉu di yəi, mąąhɔlɔɓo, ŋą́ hiɛ a ə́ wɔ tɔn nwooɠaai.

Mąątɛ̨nɛ̨ 119:14

Ŋą́ą́ lɛɛ ə́ wɔ tɔn nwooɠaai pulu, ŋą́ą́ gwə́inɛ̨ɛ̨ mɛ̨nį hɔlɔɓo, gaa lɔ yɛ ŋą́ kwiɛn a hɛngɔw kɛnɛ̨ɛ̨.

Mąątɛ̨nɛ̨ 119:7

Gáá pai kɛi ə́ laa tɛi a gwə́i kwəlɛɛ, gɛ́ ə́ wɔ tələnmo wooɠaai mąąkwɛli.

Mąątɛ̨nɛ̨ 119:5

'Ɉú wala wala ɉiɛ pələ hu, gɛ́ pɛli ə́ wɔ tiɓoɠaai kɛi,

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Tɔɔɓɛlaa dɔlɔɔ 2:3

Yai-Laa ə́ wɔ Yálái nwɔ liɛwooɠaa hon, ə́ hiɛ a ɲeekpiɛ tənən. Nwɔ tɔ́n da bɔ liɛwooɠaa kəlee hon, ə́ bɛlɛ bɔ túwɔ́ pələ ɓa, ə́ kɛ a nwąną mɛ̨nį kɔ́lɔn ŋąą yɛ bələi bɛ̨ɛ̨ la Moisə nwɔ tɔ́n ɉɛɓɛ́i hu. Yá yili kɛ tii, mɛ̨nįi lɔpee yá ə́ yee too ɉu, ɉu a nɛ̨ɛ̨ yɛ́.

Dutɛrɔnome 6:20

Tinąą, ka lonnii da ka mąąni kɛ diɛ kaa: «Díɓoɠaa, dɔ́nŋąą da ɲɛnɛ̨ɛ̨ hon bələɠaa ŋɛ̨i Yai-Laa gu wɔ Yálá ə naa ka nwuɔ̨i, nwun mąą lə?»

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 4:44

Bələ ɓə Moisə ə dɔ́n dɛɛ la Israɛlə lonnii pɔ.

Dutɛrɔnome 4:46

Di dɔ́nŋąą da díɓoɠaa tii hukulɔ Israɛlə lonnii diɛ, di hvo ni kɛ Ɉurdɛn teen ni, di kɛ Bɛtə-Peɔrə. Di kɛ Amɔrə tɔɔmun Sihɔn nwɔ lɔi hu, yai kɛ heeni Hɛsbɔn. Moisə da Israɛlə lonnii di dɔɔmun tii paa ɓɛlɔwai di kulɔ la Eziptə lɔi hu.