Dutɛrɔnome 4:37 - Yálá laawoo hɛɓɛ (dc)

³⁷ Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Yálá laawoo hɛɓɛ

³⁷ Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Bible

³⁷ È kákùla Ize lɔii su é pá a káa ǹyaa kpîŋ ŋ̀ɛ́i a ŋɔwála-wala-laai. Kpɛ́ni fêi, è kánâŋ-ni díwɔ̂ naŋ-ni wɛ́li ní.

Dutɛrɔnome 4:37 Referans Kwoze

Dutɛrɔnome 10:15

Yaan, ka nąnni lɔ ɓə Yai-Laa ə kanąn diɛ, yɛ di wɛli la kɛ, ɛlɛɛ, haai di mo, di huwu lɔ ɓə ə ɉəɠə ɉu a niiɓa nu huwu, nu huwuɠaa kəlee lɔwai, ya ɓaa kaa; yɛ bələi gu kaa gaai la háákələi.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Lɛɛ gbɔwɔ ɓa 33:14

Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 23:5

Mąąhɔlɔɓo, di hvo gɛ di hvo ka laakwiɛn a kɔ̨nɔ̨n da kpələyá, ka kɛ ɉiɛ pələi kaa həɠə Eziptə lɔi hu. Ɛlɛɛ, mąąhɔlɔɓo, Moabə nuą di lɔ Beɔrə lon Balaamə kilii ə gɛ, ə ka nɛ̨ŋɛ̨n naa. Di Balaamə təli ə həɠə Petɔrə Aramə ɲalee hveelɛ lɔwai.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.