Dutɛrɔnome 4:26 - Yálá laawoo hɛɓɛ (dc)

²⁶ háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Yálá laawoo hɛɓɛ

²⁶ háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Bible

²⁶ ŋa pâi ǹɔii da ŋ̀elei tôlii dí tɔ́ɔ kâa, ǹyaŋ kásu a pâi karâi ǹɔii ma ka liî naai.

Dutɛrɔnome 4:26 Referans Kwoze

Dutɛrɔnome 32:1

Yələkɔlɔn! Ə́ wəli tɔɔ! Gɛ́ ŋį́ mɛ̨nį ɓo. Lɔi! Nwóóɠaa ŋɛ̨i mɛ̨n!

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

Ɉeremi 22:29

Ə́kə́ nwɔ́ lɔi! Nwɔ́ lɔi! Ə́ wəli tɔɔ Yai-Laa woo ɓa.

Ɉeremi 2:12

Yɛ́i ɓaa yələkɔlɔn! Yili ə kɛ yɛ́ a kwəi pilimąą, líiɲąnwąną kɛnɛ̨ ə ə́ mąą kpɛlin. Ɲą́ą́ Yai-Laa nwóó li!

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Levetekɔ 18:28

Ka gɛ a nɛlɛɛ, nɔi hvo pa ɲee kulɔ ka mu, a gɛi ka mo a lɔi mąąliɓiɛ, hvo nəi pa ɲee kulɔ ka mu, yɛ bələi ə gɛ la a nuąi kɛ ka tɔwɔ ɓɛ nɔi.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Izikiɛ 36:4

yili mąą mɛ̨nį ɓa, kaai a Israɛlə yeeɠaa ka ka wəli tɔɔ, Mɛ̨nį kəlee ŋą Hééɓomun Yálá woo ɓa. Mɛ̨nį kəlee ŋą Hééɓomun Yálá yɛ: Kaai ɓaa a ɲeeɠaa, kaai a ɲee kpu kpuɠaa, kaai a ɲaɠaa, kaai a ɲee lɔwai lɔiɠaa, kaai a daa kpoloonŋaa, kaai ka kwɛlɛ lɔiɠaa di kɛi too ka mɛ̨i, diɛ yɛlɛ kulɔ ka hui;

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Dutɛrɔnome 31:28

Yii hu kɛa, galanɉonŋąą kəlee, nɔi nwun nąmįnąą kəlee, ka di ɲąąkpɔn gwɛ́lɛ, ŋį́ nwooɠaa ŋɛ̨i ɓo, ə too di wəlii, yələkɔlɔn da lɔi di kɛ a nwɛ́i gɛla.

Dutɛrɔnome 29:28

«Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Izikiɛ 33:28

Gáá pai nɔi kɛi a lɔi pun, mąąwɛliɛ; nwɔ huwala walai ə kɛi nwun dɛ ɉu, ŋą́ ɉu kala. Israɛlə yeeɠaa da lɛɛ a lɔi pun; mąąhɔlɔɓo, nu hvo pai kɛi tɛɛi laa.

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.

Dutɛrɔnome 8:20

Ka wala ka wəli tɔɔ Yai-Laa ka wɔ Yálái woo ɓa, bələi kpɔlɔɔ ə nuą ŋɛ̨i nwun na pili la ka ɲɛ̨i tɔwɔ, bələ lɔ ɓə a ka nwun na pili la.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Dutɛrɔnome 28:20

«Kóló lɔpee ka ka yee too ɉu, Yai-Laa a kulɔ ka pulu ə ka nɛ̨ŋɛ̨n naa, ɉu hva nɛ̨ɛ̨. Ɛlɛɛ ɉu ə ka nwun na pili kpɔlɔɔ a ɉu kwɛaa; mɛ̨nį kɔ́hɔɓoɔ tii ka káá pai gɛi mąą mɛ̨nį ɓa;

Dutɛrɔnome 28:22

Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.

Dutɛrɔnome 28:45

«Nɛ̨ŋɛ̨n naaɠaa tii kəlee kaa pai kɛi a gbanwoɔ kaa, vilɛn ŋąą ka pulu, ə lɛɛ ɉu ka kpɛɛ; Mąąhɔlɔɓo, ka hvo Yai-Laa ka wɔ Yálái woo hon ni, ka hvo nwɔ tɔ́nŋąą da nwɔ tíɓoɠaai kɛ li, yai ə dɛɛ ka pɔ.

Dutɛrɔnome 28:61

Ə mą kɛ mɛ̨nį nwąnąąɠaai di laa hvo dɔ́n ɉɛɓɛ́ hu, Yai-Laa a di laa kaa ə lɛɛ ɉu, ka huwu ə pu.

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Ɉeremi 16:13

Yili ɓə gɛi, gáá ka kulɔi ɓɛ nɔi, ka li ɓɛi ka nąnni di hvo nąą kɔ́lɔn, ə mą kɛ kaa kpinįi ŋɛ̨i. Ka pa lii laa, ka káá lii kɛi haliɠaa mąąwiɛi laa a yələ kəlee, ɛlɛɛ, ka hva pɛli ka kilitɔɔi nwɔ́ wɛlikɛmąąlaa ɓa.

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.