Dutɛrɔnome 34:4 - Yálá laawoo hɛɓɛ (dc)

⁴ Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Yálá laawoo hɛɓɛ

⁴ Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąąlɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Bible

⁴ Yâwɛɛ è mò Mose mà ǹyɛɛi, “Ǹɔii ká ŋí ŋá ḿvòo la gɛɛ ŋá dɛɛ Eberaɣɛ̃ɛ, Aise da Zeeka-ni pɔ́, ńyɛ̃ɛ dîai, ‘Ŋa pâi ǹɔii ŋí tɛɛ̂i kálônii pɔ́. Ŋa ǹaa lɛ̂i nɔ́ yâ, kɛ́lɛ ífe pâi serîi naa.’ ”

Dutɛrɔnome 34:4 Referans Kwoze

Dutɛrɔnome 32:52

Ə́ kaa pai kɛi ɲee tii nwuɔ̨, ə́ tɔɔ nɔi tənən ma, yɛ nąą kaa, kɛlaa, nɔi gáá dɛɛi Israɛlə lonnii pɔ, hvó pai lɔi ɉu.»

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Lonon mo 20:12

Yai-Laa yɛ Moisə da Aarɔn diɛ: «Yii ka hvo laali ná, kaa pɛli nwɔ́ mąąwiɛ kulɔi pɔ̨nɔ̨ŋą Israɛlə lonnii ɲɛ̨i ɓa; yili mąą mɛ̨nį ɓa, ka hvo pai nu kpului ŋɛ̨i lɔi ɓɛi ŋɛ̨i ŋį́ naakwɛlanmo diɛ ɉu.»

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 1:37

Ə mą kɛ ɲą́ą́ ɓə, Yai-Laa ə níiholi bɔ́ a ka laa pɔɔ; yɛ mą́ą́: «Ə mą kɛ yɛ́, hvo pai lɔi laa,

Nwun mąąɓo 1:16

Moisə mɔlɔ́, yai ɉuwu hu nuą ɓa kɛ a Keni nuą, di həɠə dow kpulu mu taa hu, da Ɉuda nu huwu, di li di hee Ɉuda nwɔ lɔi pun ɉu pələ, Aradə kwɛlɛ, ɉɛɠɛɛ pələ, di hee laa nɔi lonnii kwɛlɛ, diɛi kɛ a Amalɛkə nuą.