Dutɛrɔnome 34:1 - Yálá laawoo hɛɓɛ (dc)

¹ Moisə ə həɠə Moabə kpomó hu, yɛ tɛ Nebo yee ɓa Pisga yee tonna, yii gaa Ɉeriko taa tənən ma. Naa ɓə Yai-Laa ə Kanaan lɔi kəlee hu lɛ laa mą; ə həɠə Galaadə nwɔ lɔi hu yɛ li Dan nwɔ lɔi hu,

Yálá laawoo hɛɓɛ

¹ Moisə ə həɠə Moabə kpomó hu, yɛ tɛ Nebo yee ɓa Pisga yee tonna, yii gaa Ɉeriko taa tənən ma. Naa ɓə Yai-Laa ə Kanaan lɔi kəlee hu lɛ laa mą; ə həɠə Galaadə nwɔ lɔi hu yɛ li Dan nwɔ lɔi hu,

Bible

¹ Nya ƃe Mose è kùla Môa tiŋ-tiŋ su é lí Nebo yeei mâ, Piga yeei tôŋ su Zɛleko voloi kulai pere. Yâwɛɛ è ǹɔii-kpiniŋ su gwaa kélee mâ lɛ̀ mà é kúla Gilia é tóo yá-ŋua-pere Daŋ lɔii ma.

Dutɛrɔnome 34:1 Referans Kwoze

M̀ɛni-lɛɛi 21:10

Kili ə gbə́ŋə́, ə li a ɲą́ą́ yee kwɛa kɛnɛ̨ ta tonna, ə daa mąąhəɠɛɛi, yai a Ɉerusalɛmə, yai həɠə yələi, Yálá kwɛlɛ, ə nɛ mą́ą́.

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Zasua 19:47

Kɛlaa, Dan lonnii di wɔ lɔi hvo lɛɛ di yəi, Dan lonnii də li di kɔ́ pɛlɛ Lɛsɛmə ɓa, di ɉon, di nɔi nuą kəlee paa a ɓɔwa, di nɔi həɠə a di wɔɔ, di hee laa. Dan lonnii, di di kalaɓɔlɔ laa hee Lɛsɛmə ɓa.

Dutɛrɔnome 32:49

«Moisə! 'Lí, Avarimə yee tɔ́nŋąą gee lai, tii nwuɔ̨, yii naa ɓaa: Nebo; yaa tii Moabə lɔi hu, Ɉeriko taa tənən ma, Kanaan lɔi ŋɛ̨i gáá pai dɛɛi Israɛlə lonnii pɔ a di wɔɔ, ə́ tɔɔ laa, ə́ nɔi tii mɛ̨i kaa.

Lonon mo 27:12

Yai-Laa yɛ Moisə ɓa: «Tɛ́ Avarimə yee tonna, nɔi gɛ́ ŋį́ pa dɛɛ Israɛlə lonnii pɔ, ə́ gaa.

Nwun mąąɓo 18:29

Di Laisə laa həɠə mą, di di nąn Dan laa hee mą, yai kɛ a Ɉakɔbə lon da.

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Dutɛrɔnome 32:52

Ə́ kaa pai kɛi ɲee tii nwuɔ̨, ə́ tɔɔ nɔi tənən ma, yɛ nąą kaa, kɛlaa, nɔi gáá dɛɛi Israɛlə lonnii pɔ, hvó pai lɔi ɉu.»

Dutɛrɔnome 3:27

Tɛ́ Pisga yee tonna, ə́ ɲɛ̨́i hee voló kulɔi da voló tooi pələ, ə́ ə́ ɲɛ̨i hee ɲələi pələ da ɉɛɠɛɛ pələ; ə́ ɲɛ̨i kwəleen gəlee mąą taɠa, mąąhɔlɔɓo, Ɉurdɛn ŋɛ̨i ə́ kaa gaai, hvó pai deen ɉii.

Lonon mo 33:47

Di həɠə Almɔn-Divlataima di pa di tɔɔ Avarimə yee ɓa, Nebo tənən ma.

Lonon mo 21:20

Di həɠə Bamotə, di li ɲee lɔwai lɔi tii a həli Moabə yee ɓa ɉu, yii gaa a Pisga yee nwun laŋįn ŋąą nɔi pun mɛ̨i.

Zɛnɛse 14:14

Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Zɛnɛse 13:14

Yii kɛa Lɔtə da Abramə di di ɓɛlaɓo, Yai-Laa yɛ Abramə ɓa: «Ɓɛi tii ə́ kaa laai, ə́ nwun muhəɠə, ə́ ə́ ɲɛ̨i laa nɔi tii ə́ kaa ɉu mɛ̨i, ə həɠə ɲánwuɔ̨ pələ, ə yɛɛ ɉɛɠɛɛ pələ, ə həɠə voló həɠəi pələ, ə li voló tooi pələ.

Lonon mo 23:14

Ə li la kɛɛnąą yee muhəɠɛɛ ɓa, Pisga Yee tonna. Ə haláá kulɔi bɛli laa mɛ̨ihveelɛ. Ə nįŋɛ̨ hilɛ tɛi tɛi da ɓɛlaa hilɛ tɛi tɛi paa nąą tɛi tɛi ɓa.

Zasua 22:9

Bələ ɓə Rubɛn huwu, Gadə huwu, da Manase huwu bələ tɔ̨nɔ̨ di di pulu pənə la, di Israɛlə lonnii lɛɛ Silo Kanaan lɔi hu, də li Galaadə lɔi hu di hee laa, yai di ɉɔlɔɓo a di wɔɔ Moisə yəi, yɛ bələi Yai-Laa ə mo la.