Dutɛrɔnome 33:26 - Yálá laawoo hɛɓɛ (dc)

²⁶ Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Yálá laawoo hɛɓɛ

²⁶ Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Bible

²⁶ Eezuɛ-ŋa, ɣâla da fé naa nyii da Káɣâlai dí pɔ̂riɛi. A kula ŋ̀ele-kɔlɔŋ su a ŋɔfólo-laai a pâi a gɛɛ é kpɔ́ŋ kâa.

Dutɛrɔnome 33:26 Referans Kwoze

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Habakukə 3:8

Yai-Laa, akɛti, ɲaleeɠaa ɓə ə́ líiholi? Akɛtii, ɲaleeɠaa ɓə ə́ lii kələn ɉi ə́ kwəi? Akɛtii, gboloyá ɓə ə́ lii kaa holii bɔ? Ya tɛ tulɔ kpilinin mɛ̨i, yɛ nuą kɛi tɛ wotolo hu, yɛ li a yɛ́ yeetɛɛmąą kɛi.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Mąątɛ̨nɛ̨ 104:3

A nwɔ pɛlɛ́ɠaai tɔɔ yáɠaa mɛ̨i yələi pələ; yɛ tulɔ kpinįnŋaa kɛ a ɉiɛ wotolo; yɛ hiɛ kulɔ hvaŋą hu.

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Azaya 40:25

«Gbɛɛ ɓə ka pɛli Gɔ́ɔ́n ɉii mą, kaa gɛ a bɛ́li?» Mąąhəɠəmun nwoo li

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Mąątɛ̨nɛ̨ 18:10

Yai-Laa ə yələkɔlɔn da wolo kpinįn gɛ, ə tɛɛ laa, ə hvilɛn tulɔ kpinįn gɛnɛ̨ɛ̨ yɛ ɓo gɔwɔ mu.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Azaya 66:8

Gbɛɛ ɓə a ta mɛ̨nį taaleei tii bələ mąn? Gbɛɛ ɓə a ta mɛ̨nį taaleei tii ta kaa? Da pɛli lɔi kəlee kaai a lon, a hvóló tɔ̨nɔ̨ yeemu mɛ̨nį? Daa ta lɔi tɔ̨nɔ̨ hu nuą mąą hɔlɔɓo lɔ a lon, a gee? Ya ɓə Siɔn a lɛɛ kpɔlɔ kwəi nwąną kpálá tɔɔi, aa mąn nonnii kaa?

Mąątɛ̨nɛ̨ 68:4

Kɛlaa, tələnmonuą kaa kwəinɛ̨ɛ̨ hu, diɛ kwəinɛ̨ɛ̨ kulɔ Yálá líila, diɛ mąną a ɓə́lə́n.

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 10:14

Yai-Laa ka wɔ Yálái ɓə yələkɔlɔn da yələkɔlɔn mɛ̨i pələ kaa a nwɔɔ, ə mą kɛ, lɔi da ɉu hɛnŋąą kəlee.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Lɛɛ gbɔwɔ ɓa 15:7

Ə́ hvaŋą kɛnɛ̨ pələ aa Ə́ kɔ́yɔwɔɠaa too, Ə́ wɔ liiholi aa gəlee kəlen yɛ dɛ̨ɛ̨ kpalaan.

Dutɛrɔnome 33:5

Yesurun aa tɔɔmun ɉɔlɔɓo, Ɓɛlɔwai nwun nąmįną di di ɲąąkpɔn na, da Israɛlə nuą kəlee.

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.