Dutɛrɔnome 33:2 - Yálá laawoo hɛɓɛ (dc)

² «Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Yálá laawoo hɛɓɛ

² «Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Bible

² Yâwɛɛ è kùla Sana Yeei mâ, é tɛ́ Idɔŋ mɛi yɛ̂ɛ fólo ŋɔkwaa ponoɔɔi é ŋɔnûai maa pono Paraŋ yeei ma. Ɣâla-taa kela támaa dí kɛ̀ a dítinaŋɔɔ ma, ŋɔŋ-soŋ kɛ́tɛ kɛ́ ƃò ǹáa mii-yee mɛi-pere.

Dutɛrɔnome 33:2 Referans Kwoze

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

Gɛlaɠaa 7:53

Kaa ŋɛ̨i dɔ́n ɉɔlɔɓo malakaɠaa yee ɲą, ká hvo bɔ mɛ̨nį kɛ li.»

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Hebreu 2:2

Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Hebreu 12:20

Mąąhɔlɔɓo, di hva pɛli kɛ mɛ̨nįi ti dɔ́n mu. Dɔ́n ti ɓaa kɛ: «Nui lɔpee a mąąlɛɠɛ ɲee ɓa, ə kɛ a taatɛlɛɛ, da ɉɔɔ a kwɛni ə haa!»

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Korɛntə veelɛ 3:9

Akɛ dɔ́n a nu nwun na pili, ŋą kolo nwɔ mąąwiɛlaa kaa tii, gu hvo mun kɛ, tələnmolaa ŋą kolo nwɛi, yee hva mɔ̨ɔ̨ tɛɛ yili ɓa?

Korɛntə veelɛ 3:7

Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Galatə 4:24

Yili kaa a mɛ̨nį mąą hanwon, Nɛ̨ąą hveelɛi tii kaa a mįnɛ̨ hveelɛi, mįnɛ̨ dɔlɔɔ, yai di ɉəɠə Sinai yee ɓa, luwɔ lon mə ə gaa, yili ka tii, a Agarə.

Lɛɛ gbɔwɔ ɓa 23:20

«‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Lonon mo 10:12

Israɛlə lonnii di həɠə Sinai nɔi pun ɉu, diɛ li. Paran nɔi pun ɉu ɓə dulɔ kpinįn ə tɔɔ laa.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Danîa 4:13

Nu kiliŋąhiɛi tii gaa mą, maa kaa pai hvalin ɉii a huwɔ kiliŋąhiɛ, gaa pai kwɛlan mɛ̨ihveelɛ kɛi yili hu.

Tɔɔɓɛlaa dɔlɔɔ 11:18

Di həɠə Madian, di li Paran, di Paran hinąą taɠaa hvilɛn di pɔ; di həli Eziptə tɔɔmun ma, yili ə pɛlɛ́ tɛɛ Hadadə pɔ, ə gɔ̨nɔ̨n gulɔ, ə lɔi tɛɛ bɔ.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.