Dutɛrɔnome 32:9 - Yálá laawoo hɛɓɛ (dc)

⁹ Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Yálá laawoo hɛɓɛ

⁹ Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Bible

⁹ Yâwɛɛ líi-ma-ƃelai ƃé kɛ̀ a Eezuɛ-ŋai, Zeeka kɛ́ ƃò a gɔ̃liŋ kpîŋ.

Dutɛrɔnome 32:9 Referans Kwoze

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Tɔɔɓɛlaa dɔlɔɔ 8:53

Hvó gaai, yɛ́ ɓə di tɔɔ a dee, diɛ ɓo a ə́ wɔ, ə́ kwɛlin ɓaa diɛ yɛnɛ̨ɛ̨ nuą kəlee lɔwai, yɛ bələi ə́ bu la ə́ wɔ tímun Moisə la, yɛ mo, ɓɛlɔwai ə́ ku nąnni kulɔ la Eziptə lɔi hu, yɛ́i a Yai-Laa ku wɔ Yálá.»

Tɔɔɓɛlaa dɔlɔɔ 8:51

Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 78:71

ə kɛ taatɛlɛɛɠaa pulu, yɛ dəli, əgɛ a nwɔ nu huwui Ɉakɔbə, da ɉɔlɔɓo lɔi Israɛlə di ɲąąkɔnmun.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Mise 2:5

Yili mąą mɛ̨nį ɓa, hvó pai nu ta hɔlɔɓoi yɛ ə́ kɔ́ a Yai-Laa nwɔ ɲąąkpɔn ɲələ.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Samia Veerɛi 14:16

Mąąhɔlɔɓo, tɔɔmun gaa pai hvaai ma, ə nwɔ tínɛ̨ɛ̨nui kulɔ nui tii yəi, yai gaa bɔ ə gúlɔ Yálá kwɛlin ɉu, ɲą́ą́ kwa nón.›

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 74:2

Nu kpului ə́ ɉɔlɔɓo a ə́ wɔɔ a yɛnɛ̨ɛ̨ gɔwɔ tɔɔ yələ, ə́ kili lɛɛ ɉu; a nu huwui tii ə́ kɛ diɛ ə́ kwɛlin ni, a Siɔn yeei tii ə́ gɛ a ə́ hee taai.

Mąątɛ̨nɛ̨ 106:40

Yai-Laa nwɔ líiholii ə ɓɛla nwɔ nu huwui mɛ̨i, nwɔ nuą wɛli ə kpɛɛ kpɔ mą tɛ̨ɛ̨ tɛ̨ɛ̨.

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Zasua 24:17

Mąąhɔlɔɓo, Yai-Laa ɓə a ku wɔ Yálá, Yai kwa ku nąnni ku kulɔ Eziptə lɔi hu nuwɔ pɛ́lɛ́i tii mu. Yaa tii, ə mɛ̨nį ɲɛ̨i kɛnɛ̨ kpɛa-kpɛaa kɛ ku ɲɛ̨i ɓa; yaa tii ɓə ɲɛ̨i ə kɛ kuɔ bələ pɔ ɓɛi kpɔ ku kɛi tɛɛ laa, gəlee mą kɛ, nɔiɠaai kpɔ ku tɛɛ ɉu.

Samia Veerɛi 20:19

Kuɔ taai kaa a liilaa taa, dɛɛ Israɛlə taaɠaa kəlee ɓa, ya ɓə ə́ kaa bɔ ə́ daai ŋɛ̨i hu nuą kəlee nwun na pili! Ə́ Israɛlə taa walawalai ŋɛ̨i wolo! Lə mɛ̨nį ɓa, ə́ kaa bɔ ə́ Yai-Laa kwɛlin ɉukala?»

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Mąątɛ̨nɛ̨ 106:5

Gɛ́ pɛli ə́ liiɓa nuą di wɔ nwun na nɛ̨ɛ̨i kaai, Ə́ gwə́inɛ̨ɛ̨ nwɔ́ nu huwui nwɔ kwəinɛ̨ɛ̨ hu, gɛ́ nwɔ́ɔ́ hɔlɔɓo ə́ kwɛlin nwɔ ɲɛ̨i ponoi hu.

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Azaya 34:17

Yaa kpinįi ɓə gbɛɛn bili, yɛ nu tɛi tɛi kɔ́, yaa kpinįi ɓə nɔi kɔ́ɔn diɛ, yɛ lɛɛ di yəi a di pɔɔ a yələ kəlee mɛ̨nį, di ɓo laa heeni a kwɛlan gəlee da nwɔɔ.

Ɉeremi 2:7

Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.