Dutɛrɔnome 32:46 - Yálá laawoo hɛɓɛ (dc)

⁴⁶ ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Yálá laawoo hɛɓɛ

⁴⁶ ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Bible

⁴⁶ È mò dîa ǹyɛɛi, “Ŋ̀óoi ŋa m̀ôi kâai ka zìɣe a gbanaŋɔɔ. Ka ǹɛ́ kálônii dîa dí gɔ́lɔŋ dí m̀ɛi káa a ǹɛ́lɛɛ.

Dutɛrɔnome 32:46 Referans Kwoze

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Dutɛrɔnome 11:18

Nwooɠaa ŋɛ̨i gáá dɛɛ ka pɔ, ka ganąn ka kili pɔ, ka ɲili ka yee kwąną, ka ganąn ka tɔwɔla, ə gɛ, ka hvo pa lɛ̨ą diɛ.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Lukə 9:44

«Mɛ̨nį ŋɛ̨i gáá moi kaa, nąą kili ə lɛɛ ka ŋą kpɔ kpaan. Di kaa pai Nu Lon tɛŋɛn gwɛlɛi nuą diɛ.»

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Dutɛrɔnome 32:45

Kpɛɛi Moisə ə mo a nwooɠaa tii laa həliɛ Israɛlə lonnii diɛ,

Hanwon 12:28

Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Izikiɛ 44:5

Yai-Laa yɛ mą́ą́: ə́ kili lɛɛ mɛ̨nįɠaa ŋɛ̨i kəlee hu, ə́ ɲɛ̨i hee mɛ̨nįɠaai kpɔ gáá pai moi yɛ́, yɛ hvilɛn na Yai-Laa nwɔ Pɛlɛ́i mąą tɔnŋą́ą́ ɓa, da nąą mɛ̨nįɠaa kɛ pələ, ə́ wəli tɔɔ gəlee ɓa, nu lɔiɠaa, da nu kulɔiɠaa gɛɛnąą mąąhəɠɛɛ ɓa; yili kpaɠala ə lɛɛ yɛ́.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Mąątɛ̨nɛ̨ 78:5

Ə Ɉakɔbə hiɛ pələ lɛ mą, ə tɔ́n naa Israɛlə lɔi hu, dɔ́n ti ə kɛi ku nąnni kpaan; diɛ mɛ̨nįɠaai tii lɛ di lonnii diɛ.