Dutɛrɔnome 32:42 - Yálá laawoo hɛɓɛ (dc)

⁴² Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

Yálá laawoo hɛɓɛ

⁴² Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

Bible

⁴² Ŋásɔalai a pâi kɛ̂i a díŋãa tée-tee. Diai kélee dítɔɔ̂i mâi, ŋa pâi dípaâi a ŋáƃoa-sɔ̂kpɔi. Diai kélee dítɔ̂ɔi ḿâi, da fé pâi lɛɛ̂i, é máŋ kpîŋ kɛ́ a diai dí díŋwanai, kpaa diai díkaa a kɔ-sôŋ-ŋai.’

Dutɛrɔnome 32:42 Referans Kwoze

Dutɛrɔnome 32:23

Gáá mɔ̨nɔ̨ laai di mɛ̨i, gɛ́ nwɔ́ mɛ̨ɛ̨kɔwɠaai ɲɛ̨i haŋąn diɛ.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 16:10

Yá pa mɛ̨nįɠaa ŋɛ̨i kəlee ɓoi nuą tii diɛ, da kɛ yɛ́: «Lə mɛ̨nį ɓa, yaai, Yai-Laa ə mɛ̨nį nwąnąą taaləi tii kili tee gwəi, yɛ naa kuɔ? Kɛɛ lə kɛɛ ɓə ku gala?.»

Mąątɛ̨nɛ̨ 68:23

Nąmu yɛ diɛ: «Gáá həɠəi a nu taɠaa Basan, gɛ́ həɠə a daɠaa gboloyá kpon ɉeei.

Mąątɛ̨nɛ̨ 45:5

'Ɉoo laa wɔlɔ, a ə́ ɲɛ̨i pɔ̨nɔ̨ pələ, 'gɔ́ ə nɛ̨ɛ̨ yɛ́, tɛ̨ą mɛ̨nį hu, tələnmolaa hu, da liilaa hu. Ə́ ɓa-mįi-yee ə ɲɔw too di hu.

Zôo 13:24

Yá ə́ ɲɛ̨i loo mą́ą́ lə mɛ̨nį ɓa? Ɛlɛɛ, yɛ́ gáá a ə́ yowo.

Samia Veerɛi 1:22

Kɛlaa, ə kɛi mąątí a nuąi ə kɛi di paa di ɲąmą, da kɔ́kuláá wulɔ. Ɉonatan nwɔ kilɛn hvo ta kɛ pu li nu ta tɔwɔ. Saulə nwɔ kɔ́ kɔ́ ɓɔwai hvo kɛi tɛ taai a mąą kpalaa.

Azaya 34:5

Yai-Laa yɛ diɛ; nwɔ́ kɔ́ kɔ́ ɓɔwai aa pilɛ yələkɔlɔn ɉu pələ, gaa kɛa woloi Edɔmə ɓa, a nu huwui tii ŋį́ ɉukala mɛ̨nį gili tee gwə́i.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.