Dutɛrɔnome 32:41 - Yálá laawoo hɛɓɛ (dc)

⁴¹ Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Yálá laawoo hɛɓɛ

⁴¹ Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Bible

⁴¹ ŋa pâi ŋá ƃoa-sɔ̂kpɔi ŋá liî ŋá pá a tɔ̃yâ mɛni ŋánûai sáma. Ŋa pâi díkpâi kulâi díkpɔara-ƃelai dîa, ŋá ŋ́gbɔarai féla fé.

Dutɛrɔnome 32:41 Referans Kwoze

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Mąątɛ̨nɛ̨ 7:12

Yálá kaa a kiti teemun dələnmoɔ, hva níiholi ɉa.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Markə 1:2

Yɛ bələi bɛ̨ɛ̨i la Yálá kwəi mɛ̨nį hukulɔ mun Esai nwɔ hɛɓɛ́ yili hu yɛ kɛ mą: «Yálá yɛ gaa pai nwɔ wɛlɛɛ ɓomun dɛɛi ə ɲɛ̨i tɔwɔ yai pai ə́ wɔ pələi laa ɓo.

Sofoni 2:12

Kaa kpɛli, kaa ɓaa Nubi nuą, nwɔ́ ɓɔwai kaa pai ɓɔi ka hu,

Izikiɛ 21:20

Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Ɉeremi 50:29

'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lonon mo 10:35

Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»

Mąątɛ̨nɛ̨ 31:23

Ya pa, ɲą́ą́n gwə́i pilɛɛi kɛ mą́ą́, gɛ́ kɛ diɛ; «Yáá mą́ą́kwɛa ə́ ɲɛ̨ilai ɓa.» Kɛlaa, nwɔ́ hvɛli woo mąąwɛliɛi, ə́ mu hon, ɓɛlɔwai ŋį́ tomą la ə́ pɔ pələ.

Ɉeremi 44:26

Ə həli kɛa kaa! Ka ká wəli tɔɔ Yai-Laa woo ɓa, kaai a Ɉuda nuą, kaa ŋɛ̨i pa heei Eziptə lɔi hu. Gáá gwɛ́lai a náá mąąwia! Ɲą́ą́ Yai-Laa nwóó li! Gɛ́ diɛ: Náá hvo kɛa pai kɛi Eziptə lɔi hu Ɉuda mun da lɔpee la, yɛ kɛ diɛ: ‹Yai-Laa ɓə mo!›

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Dutɛrɔnome 7:10

Kɛlaa, nui Yai-Laa wɛli hvo mą, a mąą nu hutɔɔ, nui a yowolaa kulɔ a Yálá, Yálá a mąą nu nwun na pili a ɉu kpuwaa.

Mąątɛ̨nɛ̨ 7:13

Kɛlaa, nui hvo bɔ hvo ɉɔn mąąhvalin, a ɲɛ̨i nwɛ̨ɛ̨ bɔ a yələ kəlee. Ɲowo ə mą nwɔ ɓɔwa kwɛaai ɲą́ą́li, ə mą nwɔ kilɛn ɲąątɛ yɛ ɉąŋą bɔ pələ,

Mąątɛ̨nɛ̨ 149:9

Mɛ̨nįi di bɛ̨ɛ̨ di nwuɔ̨ diɛ naa diɛ, Yálá yee pɔnuą kəlee ɲɛ̨i pɔ̨nɔ̨ mɛ̨nį li! 'Kánikookwəi!

Ɉeremi 50:18

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛ diɛ: Gáá heei Babilonə tɔɔmun ɉu, da nwɔ lɔi, yɛ bələi ŋį́ hee la Asiri tɔɔmun ɉu.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Izikiɛ 32:10

Ə́ mąą mɛ̨nį ɓa, gáá pai lɔi tamąą mąąwɛlii, di wɔ tɔɔɓɛlaa nwun milimili kaa pai yɛɛi a diɛ, ɓɛlɔwai gáá pai kɔ̨nwɔ̨i la a nwɔ́ kɔ́ kɔ́ ɓɔwai di ɲɛ̨i ɓa. Di ta hvo pai kpɛlai kpɛlin ɉii, gbɔwɔ mąą mɛ̨nį ɓa, a ɲələi yá too la.