Dutɛrɔnome 32:30 - Yálá laawoo hɛɓɛ (dc)

³⁰ Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Yálá laawoo hɛɓɛ

³⁰ Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Bible

³⁰ Núu tɔnɔ a pɔ̂ri núu wála tɔnɔ (1,000) yée mɛi ɣâlei, kpaa máŋ núu feerɛ é núu wála puu (10,000) yée mɛi ɣále? À kɛ̀ tí, gɛ̀ ní m̀aa-ƃelai kpîŋ Díɣâlai Yâwɛɛ a ǹyée kúla dímu a dítɛɛ díkpɔara-ƃelai pɔ́.

Dutɛrɔnome 32:30 Referans Kwoze

Levetekɔ 26:8

Nu lɔɔli kaa pai həɠəi ka lɔwai, yɛ ka yowo nwun dɔ̨nɔ̨ yee kulɔ, nu nwun dɔ̨nɔ̨ yɛ ka yowo nwaa pow kpɛ. Ka yowoɠaa diɛ too ka wɔ kɔ́ kɔ́ ɓɔwaɠaai yəi.

Zasua 23:10

Ka tɔ̨nɔ̨ ə kɛi nu waa tɔ̨nɔ̨ kpɛ, mąąhɔlɔɓo, Yai-Laa ka wɔ Yálá ɓə gɔ́ kɔ́ ka yəi, yɛ bələi ə mo la kaa.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Mąątɛ̨nɛ̨ 31:8

Gáá pai mąnąi a kwəinɛ̨ɛ̨, ə́ wɔ tələnmolaa mąą mɛ̨nį ɓa, mąąhɔlɔɓo yáá nwɔ́ mɔ̨nɔ̨i kaa, da mą́ą́wɛli pələ.

Mąątɛ̨nɛ̨ 44:12

Yáá ku tɛɛ, yɛ ɓɛlaa lonnii, yáá ku taɠa taɠa lɔiɠaa hu.

Azaya 52:3

Mąąhɔlɔɓo, yii Yai-Laa kaa moi ya ka: Di ka tɛɛ a mɛ̨inɛ̨ɛ̨, da kɛi nwɔ̨nɔ̨ pa ka nwun mąąɓoi, wali mɛ̨nį hva kɛ ɉu.

Kɔlɔnikɔ Veerɛi 24:24

Ya pa, nuąi kɛ gɔlaɠai tii hu Aramə nuą yəi, di hvo kpɛli kɛ tamą li. Kɛlaa, Yai-Laa ə hvaa mą, nuą ŋɛ̨i kɛ a kɔlaɠa kɛnɛ̨ɛ̨, ə gɔ́ kala diɛ gɔlaɠa logoloi tii ɲɛ̨i tɔwɔ; hvó gaai, diɛ ɓə di kili kulɔ Yai-Laa di nąnni di wɔɔ Yálái hu. Bələ ɓə Aramə nuą di Ɉoasə hon na, a mɛlɛ kpɛɛ pələ mą.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Zôo 11:10

Yálá a ɲee pɛlɛ nu ta ɓa, a mąą nu təli kiti haɠa ɓa, gbɛɛ ɓə a pɛli tɔɔi na?

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Maafîu 18:25

Ɉulɔnui tii di paa la, yii kɛa hɛn da hvo kɛ ɲəi yii a pɛli kɛ mąą kwələ kulɔi la, gwələ nąmu ə mo yɛ diɛ: Ka li ka nɔwɔtɔɔ, yaa da ɲəi hɛnɉaa kəlee, ə mą kɛ nɛ̨ą da nonnii; ə gɛ, lɔ nwɔ kwələ kulɔi ə hɔlɔɓo.

Zôo 16:11

Yálá aa gwɛ́lɛ nu kpoloonŋąą diɛ, aa dɛ́ɛ́ nwąnąlɔ nuą pɔ.

Levetekɔ 26:7

Ka káá pai hvilɛn ɉii ka yowoɠaa pulu, diɛ too ka wɔ ɓɔwa kwɛaɠaai yəi.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.

Kɔlɔnikɔ Maa-ŋuŋ 12:14

Yirmeyahu a bow nąą, Makbanai a bow kɔw tanɔ̨n nąą.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa veelɛ 7:5

Di həɠə laa hvitili pui lɔwai, diɛ li Aramə nuą di wɔ kɔ́ɓuwui la. Di həliɛ muwu la, di nąą hu hiɛ, di hvo nu ta kaa.