Dutɛrɔnome 32:29 - Yálá laawoo hɛɓɛ (dc)

²⁹ Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Yálá laawoo hɛɓɛ

²⁹ Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Bible

²⁹ Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Dutɛrɔnome 32:29 Referans Kwoze

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Ɉeremi 17:11

Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Mąątɛ̨nɛ̨ 90:12

Ku yíi hvóló hu hvo kwɛa li, yili kpaɠala lɛ kuɔ, ku kili ə pu ɉu, əgɛ, kuɔ pɛli kili hɔlɔɓoi.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.

Azaya 42:23

Mɛ̨nįɠaai ŋɛ̨i gáá moi, ka nɛlɛ ɓə nwəli tɔɔi mą, yɛ nwəli tɔɔ kpɔ a nɛlɛɛ, yɛ mɛ̨n tínąą mɛ̨nį ɓa?