Dutɛrɔnome 32:15 - Yálá laawoo hɛɓɛ (dc)

¹⁵ Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Yálá laawoo hɛɓɛ

¹⁵ Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Bible

¹⁵ “Yâwɛɛ ŋɔnûai díkɛ̀ a tɔ̂ɔ, kɛ́lɛ, dítɔ̂ɔ mà. Díkɛ̀ a dí kpaya-kpaya dí koo seeɛ a mii-sɛŋ támaa miɛɛ. Dí dípôlu fè Ɣâla mì nyii dí kpɛ̀tɛi. Dí díyee kùla Gɔnii mù nyii díŋuŋ ma ƃoi.

Dutɛrɔnome 32:15 Referans Kwoze

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Mąątɛ̨nɛ̨ 89:26

Gáá pai gboloyá laai ɲee mu, nwɔ heeɓolaa yɛ hee yáleeɠaa mɛ̨i.

Dutɛrɔnome 33:5

Yesurun aa tɔɔmun ɉɔlɔɓo, Ɓɛlɔwai nwun nąmįną di di ɲąąkpɔn na, da Israɛlə nuą kəlee.

Gɛlaɠaa 28:27

Mąąhɔlɔɓo, nu huwui ŋɛ̨i kili mąą pɛlɛɛ ɓə. Daa di wəli laa kpulu, Daa di ɲɛ̨i laa kpulu, Ə gɛ, di ɲɛ̨i hvo nəi pa kɛɛ kaa, Di wəli hvo nəi pa mɛ̨nį mɛ̨n, Di kili hvo nəi pa mɛ̨nį kpaɠala kaa, Diɛ di hɔn mąą pənə la, diɛ pa Yálá pɔ, ɛlɛɛ, və́ pa nəi di ɓalo.›

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

Mąątɛ̨nɛ̨ 73:7

Di wɔ kiliŋąhiɛ ɲɔ̨nwɔ̨ɔ̨ a kulɔ di kɔ́lɔ ɓa yɛ wulɔ, di líí laahvɛɛ a gbąną mɛ̨nį.

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Samia Veerɛi 22:47

Mąąwiɛ ə kɛ Yai-Laa ɓa, Hɛɠɛɛ ɓo ə kɛ mą, yaai gaa a dɔ́ɔ́ pulu kwɛni, nwɔ́ɔ́ yee tɛɛ mąą kwɛni la ə tɛ.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

Mąątɛ̨nɛ̨ 18:46

Nwɛ̨ą da həɠəən diɛ pu kpulu, di mąą yɛ kpɛlin, diɛ kulɔ di loo pələi.

Mąątɛ̨nɛ̨ 17:10

Di wulɔ aa di laahvɛɛ, kpɔwɔ ɲąąkɛnɛ woo ə ɓo di la.

Zôo 15:27

Mąąhɔlɔɓo, ɲɛ̨i wulɔ kɛnɛ̨i kɛ mą, ə lɛɛ gbili kɔ́lɔn ɲaliɛ.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Kɔlɔnikɔ Maa-ŋuŋ 5:25

Di hvó lɛɛ di nąnnii di wɔ Yálái pulu di kwəi tɔ̨nɔ̨ mɛ̨i, di Yálá lɛɛ, nuąi Yálá ə di hukala di ɲɛ̨itɔwɔ, di hvilɛn di wɔɔ haliɠaa pulu.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Kɔlɔnikɔ Veerɛi 12:1

Yii kɛa Roboamə nwɔ tɔɔlaai ə hee kpɔ tin-tin, ɉu ə walawala, ə Yai-Laa nwɔ tɔ́n nwooi lɛɛ laa, Israɛlə nuą kəlee di hvilɛn bulu.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 89:27

Yaa tii, gaa pai kɛi mą́ą́: «Ną́n! Nwɔ́ Yálá! Málo kwɛni!»

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.

Osia 4:7

Di kəlee kpɔ, nu ta nwɔ kwɛni hvo kulɔ li ɉu, daa nɛ̨ŋɛ̨n ɉəɠə mą́ą́, gáá pai di wɔ mąąwiɛ mąąpənəi a nwumɛ̨.