Dutɛrɔnome 32:14 - Yálá laawoo hɛɓɛ (dc)

¹⁴ Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Yálá laawoo hɛɓɛ

¹⁴ Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Bible

¹⁴ Dítaa-tûlɛ-ŋai ŋíni-ya è kɛ̀ a dámaa, díƃála-ŋai, díƃoli-ŋai da díniŋa-ŋai díkɛ̀ kpɔ́ a dílɛlɛɛ a ŋ̀ánaa, díwîi da díŋwãai díkɛ̀ kpɔ́ a dílɛlɛɛ a ŋ̀ánaa.

Dutɛrɔnome 32:14 Referans Kwoze

Zɛnɛse 49:11

Gaa pai nwɔ hoohvaalən gbulɔn ɉii viɲə ɓá; yɛ nwɔ hoohvaalən non kpulɔn viɲə kpɔmɔ̨ ɓá. A mąą həɠə waa a lɔɔ, yɛ nwɔ gbaawi mąąhəɠəən viɲə ɲąmą hu.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Izikiɛ 39:18

Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.

Azaya 7:22

Daatɛlɛɛ ɲįnįya kɛnɛ̨ pələi tii, ɲįnįya ŋą wulɔ ɓə da kɛ mįi; A tɛ̨ą, nuąi pai lɛɛi nɔi, ɲįnįya ŋą wulɔ da kwɛ̨i nwulɔ, ya ɓə pai kɛi a di kɔ̨nɔ̨n.

Azaya 7:15

Nokoloi tii kɔ̨nɔ̨n ma pai kɛi a nįŋɛ̨ ɲįnįya da kwɛ̨i nwulɔ, ə lɛɛ ɉu yɛ pɛli lənəi mɛ̨nį ɲɔ̨n ma, yɛ nɛlɛɛ kɛ.

Mąątɛ̨nɛ̨ 22:12

'Hvó ə́ mąąkwɛa kpɔ tii mą́ą́, hvó gaai, mɔ̨nɔ̨ aa lɛɠɛ mą́ą́, mą́ą́ kpɔnmąą ɓomun və mą.

Zôo 20:17

Hvo kɛa pai ɲɛ̨i tɔɔi tɛɛ ya lon ma, da ya kpɛa kpɛaɠaa, da kwɛin nwulɔ, da Nįŋɛ̨ ɲįnį ya mɛ̨i wulɔ.

Samia Veerɛi 17:29

kwɛi nwulɔ, nįŋɛ̨ wulɔ, ɓɛlaaɠaa, nįŋɛ̨ huwɔ kpuɔɠaa, di paa la di dɛɛ Davidə da nwɔ nuąi di pɔ a di kɔ̨nɔ̨n. Mąąhɔlɔɓo, di kɛi kɛ diɛ: «Nuąi ŋɛ̨i daa pulu həɠə a mɔlɔ nɔi pun ɉu, di hvii aa kpɛɛ.»

Nwun mąąɓo 5:25

Sisera ə ya hvɛli Yaɛlə ɓa, Nɛ̨ɛ̨nui tii ə nįŋɛ̨ ɲįnįyá tɛɛ bɔ, nįŋɛ̨ ɲįnįyá nwulɔ pɛlɛɛ ni ŋą, kpələ kɔ́wɔ lɛlɛɛ hu.

Zɛnɛse 18:8

Ɓɛlɔwai kɛa ɉuwɔ ə mɔn na, Abrahamə ə ɉuwɔi tii həɠə ə bɛlɛ nįŋɛ̨ ɲįnįya kpona ɓa da nįŋɛ̨ ɲįnįya kulaa nįnɛ̨, ə paa la nwɛ̨ąi tii pɔ. Abrahamə ə lɛɛ tɔɔ ni di kwɛlɛ nwulu mu, nwɛ̨ą diɛ di laa mį́i.

M̀ɛni-lɛɛi 14:20

Di viɲəɠaa tii yá kulɔ gɔwɔ́-la daa pulu pələ, ɛlɛɛ, ɲąmą ə kulɔ, ə tɛ kpɔ hoo-laa-kwɛli ɓa, ə laa nɔi mɛ̨i a kilə waa tɔ̨nɔ̨ pulu nwun mɛ̨ida.

Lonon mo 18:12

Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Zôo 29:6

Ɓɛlɔwai ŋį́ kɛi gɔ́wɔ́ ɓa waa la a wulɔ, ɛlɛɛ, wulɔ kpoloon yɛ laa ɲə́i gɔwɔla.

Dutɛrɔnome 28:47

«Akɛ ka wala tí Yai-Laa ka wɔ Yálái ɓa a ka kwəinɛ̨ɛ̨, da ka lii kəlee, ɓɛlɔwai ka yee laahvɛɛi la a hɛn gəlee,

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Osia 11:4

Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.