Dutɛrɔnome 31:7 - Yálá laawoo hɛɓɛ (dc)

⁷ Yili pulu, Moisə ə Ɉosue təli Israɛlə nuą kəlee ɲɛ̨i ɓa, yɛ mą: «Ə́ liikpələ, ə́ tɔɔ a ə́ nwąnąi, nɔi ŋɛ̨i Yai-Laa ə gwɛla nuą ŋɛ̨i di kalaɓɔlɔni diɛ, yɛ kɛ gaa dɛɛi di pɔ, yɛ́ ɓə tɔɔi nuą ŋɛ̨i ɲɛ̨itɔwɔ, ə́ di lɔ nɔi tii hu, di gɛ a di kwɛlin, di hee laa.

Yálá laawoo hɛɓɛ

⁷ Yili pulu, Moisə ə Ɉosue təli Israɛlə nuą kəlee ɲɛ̨i ɓa, yɛ mą: «Ə́ liikpələ, ə́ tɔɔ a ə́ nwąnąi, nɔi ŋɛ̨i Yai-Laa ə gwɛla nuą ŋɛ̨i di kalaɓɔlɔni diɛ, yɛ kɛ gaa dɛɛi di pɔ, yɛ́ ɓə tɔɔi nuą ŋɛ̨i ɲɛ̨itɔwɔ, ə́ di lɔ nɔi tii hu, di gɛ a di kwɛlin, di hee laa.

Bible

⁷ Nya ƃe Mose è Zasua tòli Eezuɛ-ŋai kélee ŋɛ́i-tuɛ ǹyɛɛ mai, “Ílii kpéle íkɛ yɛ̂ɛ kpakolo, kpɛ́ni fêi, yá ƃé pâi liî a ǹûai ŋí gono tee lɔii ma, í ŋ̀áa kɔlɛ dîa.

Dutɛrɔnome 31:7 Referans Kwoze

Dutɛrɔnome 3:28

Ə́ kwəi mɛ̨nįɠaa ɓo Ɉosue ɓa. Váŋąlɔ, ə́ niikpələ, mąąhɔlɔɓo, yaa tii ɓə pai kɛi nu kpulu nwun na diɛ Ɉurdɛn teen. Nɔi ŋɛ̨i ə́ kaa gaai, ɉu ɓə di kaa lɔi laa.»

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 1:38

yii ɓaa Nun lon Ɉosue yaai a ə́ wɔ tímun, nwɛi gaa pai lɔi laa, vaŋąlɔ, mąąhɔlɔɓo, yaa ɓə pai nɔi tɛɛi Israɛlə pɔ a gwɛlin nɔi.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 31:3

«Yai-Laa ka wɔ Yálái yaa kpinįi ɓə pai tɔɔi ka ɲɛ̨i tɔwɔ, yaa kpinį ə nu huwuɠaa tii kpɛ ka ɲɛ̨itɔwɔ ɲa pulu ɓɛli pələ, yɛ nɔi kulɔ di yəi yɛ dɛɛ ka pɔ. Ɉosue ɓə pai tɔɔi ka ɲɛ̨i tɔwɔ, yɛ bələi Yai-Laa ə mo la kaa.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Lonon mo 27:19

ə́ nɛ ɉaláá laa həli mun Eleazarə ɓa, da nu kpulu kəlee, ə́ dɔɔ gɛ kóló ɓa di ɲɛ̨i ɓa;

Dutɛrɔnome 11:8

Yili ɓa, díɓoɠaa kpɔ gáá dɛɛi ka pɔ háákələi, ka gəlee pɔ mɛ̨nį kɛ; yili ɓə pai huwalawalaa tɛɛi ka pɔ, ka yee yɛ tɛɛ nɔi tii ka káá li ɉu mą, kaa ɉon a kɔ́ kaa hee laa.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Lonon mo 13:20

Ka nɔi kɛ pələ kaa, akɛ hihɛn a lɛlɛ mą, a wala kɛ tii hva lɛlɛ mą. Akɛ lɔwɔ lɔi li, a wala kɛ tii gbali lɔi li. Ka tɔɔ a ka nwąnąi, ka nɔi tii hu hɛn má ta həɠə.» Ɓɛlɔwai di kɛi di tɔɔ la pələi, ə kɛ a viɲə dɔɔ dɔwɔɠaa ɓá kulɔi lɔwai.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.