Dutɛrɔnome 31:6 - Yálá laawoo hɛɓɛ (dc)

⁶ Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Yálá laawoo hɛɓɛ

⁶ Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Bible

⁶ Ka kálii kpéle ká kɛ́ yɛ̂ɛ kpakolo-ŋa. Káfe yào ká kɛ́ kpɛ̃liŋ. Káɣâlai Yâwɛɛ a pâi kɛ̂i kátuɛ. Vé pâi teêi kâa kpaa máŋ é kámaa sîa too.”

Dutɛrɔnome 31:6 Referans Kwoze

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 1:29

Gɛ́ kaa: «Ka mąą hvo kpɛlin, ka hvo ɲɔw diɛ.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Kɔlɔnikɔ Veerɛi 32:7

«'Ka a ka huwalawalaa, ka ká liikpələ! 'Ka hvo ɲɔw, 'ka mąą hvo kpɛlin Asiri tɔɔmun ɲɛ̨i tɔwɔ da bɔ nu kpului tii bɔi, hvó gaai, nui gwa diɛni gu tɔɔ, huwalawala kɛnɛ̨ kaa ɲəi.

Dutɛrɔnome 31:7

Yili pulu, Moisə ə Ɉosue təli Israɛlə nuą kəlee ɲɛ̨i ɓa, yɛ mą: «Ə́ liikpələ, ə́ tɔɔ a ə́ nwąnąi, nɔi ŋɛ̨i Yai-Laa ə gwɛla nuą ŋɛ̨i di kalaɓɔlɔni diɛ, yɛ kɛ gaa dɛɛi di pɔ, yɛ́ ɓə tɔɔi nuą ŋɛ̨i ɲɛ̨itɔwɔ, ə́ di lɔ nɔi tii hu, di gɛ a di kwɛlin, di hee laa.

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Zakari 8:13

Mąą yələi tii, bələi lɔ ka kɛ la, a nɛ̨ŋɛ̨n naa hɛn lɔi lɔwai, kaai a Ɉuda nwɔ pɛlɛ́i mu nuą, da Israɛlə nwɔ pɛlɛ́i, bələ lɔ ɓə gáá pai ka ɓaloi la, gɛ́ lúwɔ́ too kaa. 'Ka hvo ɲɔw, 'ka ká lii kpələ!

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Lonon mo 13:20

Ka nɔi kɛ pələ kaa, akɛ hihɛn a lɛlɛ mą, a wala kɛ tii hva lɛlɛ mą. Akɛ lɔwɔ lɔi li, a wala kɛ tii gbali lɔi li. Ka tɔɔ a ka nwąnąi, ka nɔi tii hu hɛn má ta həɠə.» Ɓɛlɔwai di kɛi di tɔɔ la pələi, ə kɛ a viɲə dɔɔ dɔwɔɠaa ɓá kulɔi lɔwai.

Dutɛrɔnome 11:8

Yili ɓa, díɓoɠaa kpɔ gáá dɛɛi ka pɔ háákələi, ka gəlee pɔ mɛ̨nį kɛ; yili ɓə pai huwalawalaa tɛɛi ka pɔ, ka yee yɛ tɛɛ nɔi tii ka káá li ɉu mą, kaa ɉon a kɔ́ kaa hee laa.

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Tɔɔɓɛlaa dɔlɔɔ 6:13

Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Tɔɔɓɛlaa dɔlɔɔ 8:57

Yai-Laa, ku wɔ Yálá ə kɛ gu pɔ, yɛ bələi ə kɛ la gu nąnni pɔ! Hvo ɲee ɓo guɔ, hvo həɠə gu pulu.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Lonon mo 13:9

Bɛnɉamɛn huwu hu nuą Rafu lon Palti ɓə di gulɔ.

Dutɛrɔnome 1:21

Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.