Dutɛrɔnome 30:6 - Yálá laawoo hɛɓɛ (dc)

⁶ «Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Yálá laawoo hɛɓɛ

⁶ «Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Bible

⁶ A pâi gɛ̂i ká kɛ́ ƃò nɔ́ ǹɔii ma ka ŋ̀óo mɛni ka ŋ̀wɛlii.

Dutɛrɔnome 30:6 Referans Kwoze

Dutɛrɔnome 10:16

Yili ɓa, ka ka kpɔɔ lɛɛ kan Yai-Laa ka wɔ Yalai yee kɔ́nma, ka hvo tɔɔ na.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Maafîu 22:37

Jesus yɛ mą: «‹Mąąnɛ̨ɛ̨ ə́ Ną́mu Yálá wɛli la kɛ a ə́ lii kəlee da ə́ kpinį kəlee ɛlɛɛ, da ə́ wɔ kiliŋąhiɛ kəlee.›

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.