Dutɛrɔnome 30:5 - Yálá laawoo hɛɓɛ (dc)

⁵ Nɔi ŋɛ̨i wɔlɔ kɛ a ka kalaɓɔlɔ ni di wɔ lɔi, Yai-Laa kaa pai pənəi ə pa a kaa ɉu, ə kɛ a ka kwɛlin. Gaa pai ka nwun na nɛ̨ɛ̨i, ə ka huwuhu ɓɛlɛ ə tɛɛ la ka nąnni diɛ.

Yálá laawoo hɛɓɛ

⁵ Nɔi ŋɛ̨i wɔlɔ kɛ a ka kalaɓɔlɔ ni di wɔ lɔi, Yai-Laa kaa pai pənəi ə pa a kaa ɉu, ə kɛ a ka kwɛlin. Gaa pai ka nwun na nɛ̨ɛ̨i, ə ka huwuhu ɓɛlɛ ə tɛɛ la ka nąnni diɛ.

Bible

⁵ A pâi ǹɔii tɛɛ̂i kápɔ pôlu kánâŋ-ni dí wɔ́lɔ kɛ̀ mai. A pâi gɛ̂i káƃûu ƃó ká naa láa fɛ́ɛ kátɛɛ kánuu-pɔlɔ-ŋai dîa kɛ̀ naa a bɔlɔi.

Dutɛrɔnome 30:5 Referans Kwoze

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Lonon mo 10:29

Reuɛlə lon Hobabə, yai kɛ a Madian mun, yɛ ɓo a Moisə mɔ́lɔ; Moisə ə mo mą, yɛ mą: «Ku kaa lii nɔi ɲɛ̨i Yai-Laa ə kɛ yɛ gaa dɛɛi ku pɔ ɉu. Pa gwəli, gwa li, mɛ̨inɛ̨ɛ̨ Yai-Laa aa naakwɛlanmo kuɔ, ə́ ə́ wɔɔ nąą hɔlɔɓo ɉu.»

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Mąątɛ̨nɛ̨ 119:68

Ə́ wɔ mɛ̨nį lɛlɛɛi! Ə́ nukpɔɔi! Ə́ wɔ tiɓoɠaai lɛ mą́ą́.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Izikiɛ 36:11

Yɛi kɛ a nu kan, yɛ ə kɛ a taatɛlɛɛ, gáá pai di ɓuwu ɓoi ka mɛ̨i. Di kaa pai tamąi, diɛ ɓá. Ŋą́ pənə ŋą́ nu tamą ka hu, yɛ tɔlɔɔ tɔlɔɔ yələ; ŋą́ hɛn dɛɛ ka pɔ, ə tɛɛ gɔwɔ tɔɔi lɔwai ɓa. Nąąlɔwai, ka gili kɔ́lɔn kaa kɛ ɲą́ą́ ɓə gáá a Yai-Laa.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,