Dutɛrɔnome 30:15 - Yálá laawoo hɛɓɛ (dc)

¹⁵ «Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.

Yálá laawoo hɛɓɛ

¹⁵ «Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.

Bible

¹⁵ “Ŋa sâa mɛni feerɛ ƃôi kâa a gɛɛ ká dɔnɔ siɣe zu. Mɛni lɛ́lɛɛ kpaa mɛni nyɔ́mɔɔ, fúlu-laa kpaa saa.

Dutɛrɔnome 30:15 Referans Kwoze

Dutɛrɔnome 11:26

Háákələi, gáá lúwɔ́ da nɛ̨ŋɛ̨n naa lɛi kaa, ya ka.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Markə 16:16

Nui a laa na, da mąąwaa, nwun mąą a ɓo. Nui a wala laa na, nwun na a pili.

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Dutɛrɔnome 30:14

Mąąhɔlɔɓo, nwoo tii kaa kpɔlɔɔ ka kwɛlɛ, mąą lɛɠɛɛi kaa kpɔ hɔɔlɛɛ, gaa ka laaləi, ə ɓo ka lii pɔ, ka pɛli bɔ mɛ̨nį kɛi.

Hanwon 12:28

Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Ɉeremi 21:8

Yii ɓaa nuą ŋɛ̨i di wɛi, yá kɛ diɛ: «Yai-Laa woo ka, yɛ diɛ: Ka ka liiɓa həɠə: Ɓalo da haa di lɔwai.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Ɉeremi 42:21

Ya ka ŋɛ̨i mɛ̨nįɠaai ə mo mą́ą́ a ka mąą mɛ̨nį, ka hvo ka wəli tɔɔi da ɓa.