Dutɛrɔnome 30:14 - Yálá laawoo hɛɓɛ (dc)

¹⁴ Mąąhɔlɔɓo, nwoo tii kaa kpɔlɔɔ ka kwɛlɛ, mąą lɛɠɛɛi kaa kpɔ hɔɔlɛɛ, gaa ka laaləi, ə ɓo ka lii pɔ, ka pɛli bɔ mɛ̨nį kɛi.

Yálá laawoo hɛɓɛ

¹⁴ Mąąhɔlɔɓo, nwoo tii kaa kpɔlɔɔ ka kwɛlɛ, mąą lɛɠɛɛi kaa kpɔ hɔɔlɛɛ, gaa ka laaləi, ə ɓo ka lii pɔ, ka pɛli bɔ mɛ̨nį kɛi.

Bible

¹⁴ Kpao, díkaa káyêei. Ka díkɔlɔŋ, ká kɛ́ dílòno. Mɛni ma, fɛ̂ɛ nɔ́ ka dí mɛi káa.

Dutɛrɔnome 30:14 Referans Kwoze

Ɉeremi 12:2

Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Ɉaan 5:46

Akɛ kɛ ka laa Moisə la, ka li lɔ laa ɲą́ą́ gbɛ́li na. Mąąhɔlɔɓo, mą́ą́ mɛ̨nį ɓə ə bɛ̨ɛ̨.

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Izikiɛ 33:33

Ɲələi, mɛ̨nįɠaai ə́ kaa moi, bɔ mɛ̨nį kaa pai kɛi la, ɛlɛɛ yaan di pɔ mɛ̨nį aa gbɛa kɛ; ɲələ ɓə da gili kɔ́lɔn na, diɛ kɛ Yálá kwəi mɛ̨nį hukulɔ mun da ə kɛ di lɔwai.»

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 2:5

Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Dutɛrɔnome 30:13

Hvo kpɛli gboloyá pulu pələ, əgɛ, ka hvo pa kɛ diɛ: ‹Gbɛɛ ɓə pai lii gboloyá pulu pələ, ə ɉəɠə ku yəi, ə pa ə ɉukulɔ kuɔ, ku mɛ̨n, kuɔ bɔ mɛ̨nį kɛ?.›

Dutɛrɔnome 30:15

«Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.