Dutɛrɔnome 3:5 - Yálá laawoo hɛɓɛ (dc)

⁵ Gəlee di kɛ a taai hįį kpoloon dɔɔ mą. Ɉįį kpoloon ɲee muhəɠɛɛ, kpon veelɛ ə ɓo naaləi. Kwɛli hɔlɔɔn naa bulu; daa pɛlɛɛɠaa laa hvo kɛ ɉu.

Yálá laawoo hɛɓɛ

⁵ Gəlee di kɛ a taai hįį kpoloon dɔɔ mą. Ɉįį kpoloon ɲee muhəɠɛɛ, kpon veelɛ ə ɓo naaləi. Kwɛli hɔlɔɔn naa bulu; daa pɛlɛɛɠaa laa hvo kɛ ɉu.

Bible

⁵ Daa-lee-ŋai ŋí kélee maa è kɛ̀ a góliɛɛ a siɣãŋ-ŋa, wúru kpono da kɔli-ŋa da kpanâŋ pɛlɛ-pɛlɛɛ támaa nyii-ŋai dímaa fé kɛ́ ní a goliɛɛi.

Dutɛrɔnome 3:5 Referans Kwoze

Hebreu 11:30

Laa na laa háálai ɓə gɛ, Ɉeriko mąąkpɛ hį́iɠaa diɛ too, di kpɛɛ a daa mąątínɛ̨nŋąą a hvóló mɛ̨ihveelɛ.

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Lonon mo 13:28

Kɛlaa nu huwui laa heeni, di huwalawalaai, daaɠaa mąą tinɛ̨n ŋąą a hįį kpɛa-kpɛa, ɛlɛɛ ku Anakə nu huwu taɠaa kaa kpɔ laa heeni.

Dutɛrɔnome 3:4

Gu lɔ nwɔ taaɠaai kəlee hu, taa hvo kɛ di pɔɔli yii gu hvo ɉon. Taa pow mɛ̨ida yai kɛ a Argɔvə lɔi kəlee Basan lɔi hu yii Ogə ə kɛi tɔɔlaa kɛ mɛ̨i.

Dutɛrɔnome 3:6

Gu gəlee hu wolo, yɛ bələi gu gɛ la a Hɛsbɔn tɔɔmun Sihɔn, gu daa kəlee kɛ a haláá hɛn, ɉinąą, nɛ̨ąą da nɛapɛlɛɛ.

Samuɛlə dɔlɔɔ 6:18

Gbəɠəiɠaa tamąąi lɔ kɛ yɛ bələ Filisti tɔɔɓɛlaa di kɛ la lɔɔli, da di hee taa, daaɠaai di mąątinɛ̨n ŋąą a hįi, da yiiɠaai di mąą hvo tinɛ̨n ni a hįi. Gwɛni kpuwulu kɛnɛ̨i tii di gəhi hee mɛ̨i, gaa laa háá ɓa háá, ɓɛi Ɉosue nwɔ tíi ə kɛ laa Bɛtə-Sɛmɛsə.

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.