Dutɛrɔnome 29:8 - Yálá laawoo hɛɓɛ (dc)

⁸ «Yili ɓa, mąąnɛ̨ɛ̨ ka ka yee kɛ mįnɛ̨i ŋɛ̨i ka Yálá ni ka ɉəɠə ɉu wooɠaa diɛ, kaa bɔ túwɔ́ ɓo. Yili pɔ pələ ɓə ka kɛ́ mɛ̨nįɠaa hu a nɛ̨ɛ̨ la.

Yálá laawoo hɛɓɛ

⁸ «Yili ɓa, mąąnɛ̨ɛ̨ ka ka yee kɛ mįnɛ̨i ŋɛ̨i ka Yálá ni ka ɉəɠə ɉu wooɠaa diɛ, kaa bɔ túwɔ́ ɓo. Yili pɔ pələ ɓə ka kɛ́ mɛ̨nįɠaa hu a nɛ̨ɛ̨ la.

Bible

⁸ Kú dílɔii kùla díyêei kú dɛ̀ɛ Lubiŋ da Gâa dísuui su-ƃelai pɔ́ kú da tɛ̀ɛ Manasɛ nuu suui gbulu tɔnɔ pɔ́.

Dutɛrɔnome 29:8 Referans Kwoze

Lonon mo 32:33

Moisə ə Amɔrə nuą di wɔ tɔɔmun Sihɔn nwɔ lɔi da Basan tɔɔmun Ogə nwɔ lɔi tɛɛ Gadə da Rubɛn lonnii, da Ɉosɛfə lon Manase huwu bələ tɔ̨nɔ̨ pɔ, nɔi da nwɔ taaɠaa, bɛlɛɛ nwɔ yɛɛ kɔ́wɔɠaa diɛ, da di kwɛlɛ taaɠaa.

Lonon mo 32:32

Kuɔ kpinįi ku hąą yiliɛ, ku ku wɔ kɔ́laɠai həɠə, ku tɛɛ Kanaan lɔi hu, Yai-Laa ɲɛ̨i ɓa. Kɛlaa, ɓɛi nąą kaa pai kɛi a ku kwɛlin nɔi, nąą kaa Ɉurdɛn yá pulu, ɓɛli pələ.»

Mąątɛ̨nɛ̨ 135:12

Yili pulu, ə di wɔ lɔiɠaai tɛɛ Israɛlə pɔ diɛi a ŋą nu huwu, ə kɛ a di kwɛlin.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 1:8

'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

Tɔɔɓɛlaa dɔlɔɔ 2:3

Yai-Laa ə́ wɔ Yálái nwɔ liɛwooɠaa hon, ə́ hiɛ a ɲeekpiɛ tənən. Nwɔ tɔ́n da bɔ liɛwooɠaa kəlee hon, ə́ bɛlɛ bɔ túwɔ́ pələ ɓa, ə́ kɛ a nwąną mɛ̨nį kɔ́lɔn ŋąą yɛ bələi bɛ̨ɛ̨ la Moisə nwɔ tɔ́n ɉɛɓɛ́i hu. Yá yili kɛ tii, mɛ̨nįi lɔpee yá ə́ yee too ɉu, ɉu a nɛ̨ɛ̨ yɛ́.