Dutɛrɔnome 29:21 - Yálá laawoo hɛɓɛ (dc)

²¹ «Nąąlɔwai, ka huwu yii pai muhəɠəi ka pulu, a ka lonnii, da nwɛ̨ąąi pai həɠəi kwɛaa la lɔi hu, da pa nɔi ŋɛ̨i nwɔ mɔ̨nɔ̨ɠaa kaai, da ɲɔ̨n Yai-Laa kaa pai bɛlɛi mą, di kaa pai kɛi diɛ:

Yálá laawoo hɛɓɛ

²¹ «Nąąlɔwai, ka huwu yii pai muhəɠəi ka pulu, a ka lonnii, da nwɛ̨ąąi pai həɠəi kwɛaa la lɔi hu, da pa nɔi ŋɛ̨i nwɔ mɔ̨nɔ̨ɠaa kaai, da ɲɔ̨n Yai-Laa kaa pai bɛlɛi mą, di kaa pai kɛi diɛ:

Bible

²¹ A pâi ǹáa kulâi Eezuɛ-ŋai kélee sáma. Ǹyaŋ voo-wôo-ŋai bɔ̃yɛ̂i Dɔ̂ŋ kɔlɔi ŋí sui, ŋaa see a pâi kɛ̂i la.

Dutɛrɔnome 29:21 Referans Kwoze

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 25:32

yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Dutɛrɔnome 30:10

Akɛ ka ka wəli tɔɔ Yai-Laa ka wɔ Yálái woo ɓa, ka nwɔ tɔ́n nwooɠaai hon da nwɔ tíɓoɠaai bɛ̨ɛ̨ ɉɛɓɛ́i ŋɛ̨i hu, kaa pənə kaa pa Yai-Laa ka wɔ Yálái pɔ ka kwəi tɔ̨nɔ̨ mɛ̨i, a ka lii kəlee.

Dutɛrɔnome 32:23

Gáá mɔ̨nɔ̨ laai di mɛ̨i, gɛ́ nwɔ́ mɛ̨ɛ̨kɔwɠaai ɲɛ̨i haŋąn diɛ.

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Dutɛrɔnome 28:59

Akɛ ka wala ɲɔw ma, Yai-Laa kaa pai kwəi pili mąą ɲɔ̨nŋąą, diɛi di kpɛɛ la walaa di pɛlɛi kaa ka ka huwu kəlee.

Dutɛrɔnome 28:61

Ə mą kɛ mɛ̨nį nwąnąąɠaai di laa hvo dɔ́n ɉɛɓɛ́ hu, Yai-Laa a di laa kaa ə lɛɛ ɉu, ka huwu ə pu.