Dutɛrɔnome 29:13 - Yálá laawoo hɛɓɛ (dc)

¹³ Mįnɛ̨i ŋɛ̨i di kaa naa həli kaa diɛ di kwɛla la, gwa gaani lɔ hvəi gáá naai gu lɔwai;

Yálá laawoo hɛɓɛ

¹³ Mįnɛ̨i ŋɛ̨i di kaa naa həli kaa diɛ di kwɛla la, gwa gaani lɔ hvəi gáá naai gu lɔwai;

Bible

¹³ é nɛ́ a gɛɛ ká káa a ŋɔnûa ǹyaŋ gɛ́ ƃò a Káɣâla yɛ̂ɛ berei è góno-tee la kánâŋ Eberaɣɛ̃ɛ, Aise da Zeeka-ni yêei.

Dutɛrɔnome 29:13 Referans Kwoze

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Dutɛrɔnome 28:9

«Yai-Laa kaa pai ka kɛi a nwɔ nu huwu, yɛ bələi ə gwɛla la kaa, akɛ ka Yai-Laa ka wɔ Yálái nwɔ tɔ́nŋąąi hon, kaa hiɛ a ɲeekpiɛ tənən.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Dutɛrɔnome 29:12

Yai-Laa kaa bɔ, ə ka kɛ háákələi a nwɔ nu huwu; yaa kpinįi lee yɛ kɛ a ka wɔ Yálá, yɛ bələi ə naakwɛlanmo la kaa, ɛlɛɛ, yɛ bələi ə gwɛla la ka nąnni diɛ; diɛi ɓaa: Abrahamə, Isaakə da Ɉakɔbə.