Dutɛrɔnome 29:1 - Yálá laawoo hɛɓɛ (dc)

¹ Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Yálá laawoo hɛɓɛ

¹ Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Bible

¹ Yâwɛɛ è mò Mose ma a gɛɛ é Kpanaŋ-woo nina kɛ́ Eezuɛ-ŋai yêei Môa lɔii su. Gbanaŋ-wooi ŋí è kɛ̀ a da kpɛ́ni nyii ma è gɛ̀ dîyɛɛi Sana Yeei ma a maa-ŋuŋ. Ŋ̀óo-ŋai ká ŋí gáa Gbanaŋ-wooi ŋí sui.

Dutɛrɔnome 29:1 Referans Kwoze

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Gɛlaɠaa 3:25

Ka káá a Yálá kwəi mɛ̨nį hukulɔ nuą lonnii, da mįnɛ̨i Yálá da ka nąnni di ɉəɠə ɉu lonnii. A ɲələi ə kɛ la Abrahamə ɓa: ‹Yɛnɛ̨ɛ̨ nu huwu kəlee kaa pai lúwɔ́ hɔlɔɓoi ə́ huwu háálai.›

Ɉeremi 34:18

«Nui a nwɔ́ mįnɛ̨i mąą kala, a mįnɛ̨i di hvaa mą, di di yee hee mu ɲɛ̨́i ɓa, di hvo bɔ mɛ̨nį kɛ li. A mįnɛ̨i di ɉəɠə, diɛ Nįŋɛ̨ lon ɉu tee ɉu hveelɛ, ə lɛɛ diɛ tɛɛ mɛla hveelɛi lɔwai.

Ɉeremi 11:6

Yai-Laa yɛ mą́ą́ nwɔ̨nɔ̨: Nwɛlɛɛ ŋɛ̨i ɓo a lolo Ɉuda daa leeɠaa hu da Ɉerusalɛmə daai, gwəliɠaa pɔ; yɛ diɛ: Ka ka wəli tɔɔ, mįnɛ̨i ŋɛ̨i hu wooɠaa diɛ, ɛlɛɛ, ka di pɔ mɛ̨nį kɛ.

Ɉeremi 11:2

Yɛ mą: Ka ka wɛli tɔɔ mįnɛ̨ həɠə wooɠaa diɛ, ka bɔ mɛ̨nį kɛ, mo Ɉuda nuą da Ɉerusalɛmə nuą diɛ,

Dutɛrɔnome 29:25

Di pɛlɛ diɛ tí haliɠaa diɛ, diɛ kwɛli hvilɛn diɛ; ya pa, di hvo wɔlɔ kɛ ɉaliɠaa tii kɔ́lɔn, ɛlɛɛ, Yai-Laa hvo dɛɛ li di pɔ a di kwɛlin da.

Dutɛrɔnome 29:21

«Nąąlɔwai, ka huwu yii pai muhəɠəi ka pulu, a ka lonnii, da nwɛ̨ąąi pai həɠəi kwɛaa la lɔi hu, da pa nɔi ŋɛ̨i nwɔ mɔ̨nɔ̨ɠaa kaai, da ɲɔ̨n Yai-Laa kaa pai bɛlɛi mą, di kaa pai kɛi diɛ:

Dutɛrɔnome 29:12

Yai-Laa kaa bɔ, ə ka kɛ háákələi a nwɔ nu huwu; yaa kpinįi lee yɛ kɛ a ka wɔ Yálá, yɛ bələi ə naakwɛlanmo la kaa, ɛlɛɛ, yɛ bələi ə gwɛla la ka nąnni diɛ; diɛi ɓaa: Abrahamə, Isaakə da Ɉakɔbə.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Levetekɔ 26:46

Dɔ́n nwooɠaa, nɔi hon bələɠaa da díɓoɠaai Yai-Laa ə naa, yaa da Israɛlə lonnii di lɔwai, Sinai Yee nwuɔ̨, Moisə ə ɓo di lɔwai, diɛ ka tii.

Levetekɔ 27:34

Diɓoɠaai Yai-Laa ə dɛɛ Moisə pɔ Israɛlə lonnii mąą mɛ̨nį ɓa, Sinai Yee nwuɔ̨, diɛ ka tii.

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Dutɛrɔnome 29:2

Mɔ̨nɔ̨ kpɛa kpɛaɠaai ka ɲɛ̨i ə tɔɔ di hu, da kpalo mɛ̨nį kpɛa kpɛaɠaa tii;

Dutɛrɔnome 1:1

Mɛ̨nįɠaai Moisə ə mo Israɛlə lonnii diɛ Ɉurdɛn yá pulu pələ, nɔi pun ɉu, Ɉurdɛn ɲá-ɓoloon bɔ, Sufə tənə ma; Paran da Tofɛlə Lavan Haserotə da Di-Zahavə di lɔwai, diɛ ka:

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.

Mąątɛ̨nɛ̨ 105:27

Di kwɛlɛɛn mɛ̨nį kɛ lɔ, a di hvaa woo, Eziptə lɔi hu, di kwəi pili mąą mɛ̨nįɠaa kɛ Kamə nwɔ lɔi hu.