Dutɛrɔnome 28:7 - Yálá laawoo hɛɓɛ (dc)

⁷ «Ɓɛlɔwai ka yowoɠaa da di muhəɠə la diɛ pɛlɛ kaa a kɔ́, Yai-Laa ka wɔ Yálái a di too ka kɔ́wɔ mu. Di kaa pai pai a pələ tɔ̨nɔ̨ diɛ wolo kaa, kɛlaa da pu ka tɔwɔ diɛ li a pələ mɛ̨ihveelɛ tee-tee.

Yálá laawoo hɛɓɛ

⁷ «Ɓɛlɔwai ka yowoɠaa da di muhəɠə la diɛ pɛlɛ kaa a kɔ́, Yai-Laa ka wɔ Yálái a di too ka kɔ́wɔ mu. Di kaa pai pai a pələ tɔ̨nɔ̨ diɛ wolo kaa, kɛlaa da pu ka tɔwɔ diɛ li a pələ mɛ̨ihveelɛ tee-tee.

Bible

⁷ “Yâwɛɛ a pâi gɛ̂i káyee é tɛ́ɛ kákpɔara-ƃelai dîa. Da pâi kulâi a pere tɔ̂nɔ díkɔ pɛ́lɛ kâa kɛ́lɛ da pâi pûi káyêei a pere sîi lɔ́ɔlu mɛi feerɛ.

Dutɛrɔnome 28:7 Referans Kwoze

Mąątɛ̨nɛ̨ 89:23

Ɲowo hvo pai pɛlii woloi mą dɛɠii, Kwɛli tee mun hva pɛli nwumɛ̨ tɛi la.

Kɔlɔnikɔ Veerɛi 19:4

Ɉosafatə ə kɛ heeni Ɉerusalɛmə. Ə pənə nwɔ̨nɔ̨, ə hiɛ nɔi nąą kəlee, ə həɠə Beɛrə-Seva, ə li Ɛfraimə ɲeeɠaa hu, ə nɔi lonnii ɲɛ̨i tínɛ̨n ə ɉee Yai-Laa di nąnni di wɔɔ Yálái ɓa

Zasua 8:22

Israɛlə nuą tii nwɔ̨n nɔ Ai daai, di pənə kɛa diɛ pa Ai nuą laakwiɛn ɉii a kɔ́. Ai nuą di lɛɛ gbulu hveelɛi tii lɔwai. Israɛlə nuą di tínɛ̨n diɛ, di Ai nuą paa kpɔ di hvo dɔ̨nɔ̨ kpɛli lɛɛ a vulú, dɔ̨nɔ̨ kpɛli hvo kulɔ a di yee wolo.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Dutɛrɔnome 28:6

Lúwɔ́ ə kɛ ka lii da ka pai ɓa.

Dutɛrɔnome 28:8

Yai-Laa kaa pai ka wɔ kɔ̨nɔ̨n gələɠaa mɛ̨i kaai, mɛ̨nį lɔpee ka káá pai ka yee tooi ɉu, yɛ lúwɔ́ too mą. Nɔi Yai-Laa ka wɔ Yálái ə dɛɛ ka pɔ, gaa pai lúwɔ́ tooi kaa ɉu.

Zasua 23:10

Ka tɔ̨nɔ̨ ə kɛi nu waa tɔ̨nɔ̨ kpɛ, mąąhɔlɔɓo, Yai-Laa ka wɔ Yálá ɓə gɔ́ kɔ́ ka yəi, yɛ bələi ə mo la kaa.

Tɔɔɓɛlaa veelɛ 7:5

Di həɠə laa hvitili pui lɔwai, diɛ li Aramə nuą di wɔ kɔ́ɓuwui la. Di həliɛ muwu la, di nąą hu hiɛ, di hvo nu ta kaa.

Mąątɛ̨nɛ̨ 18:38

Ŋą́ hvilɛn ɲówóɠaa pulu, ŋį́ di hon, vá yali bulu, yii və́ di kpəli ɲąąyíi li.