Dutɛrɔnome 28:53 - Yálá laawoo hɛɓɛ (dc)

⁵³ Mɔ̨nɔ̨i ka yowoɠaa kaa pai naai ka mɛ̨i gɛnɛ̨ pələ ɓa, lon ɉinąą da lon nɛ̨ai Yai-Laa ə dɛɛ ka pɔ, ka káá pai kɛi di mįi.

Yálá laawoo hɛɓɛ

⁵³ Mɔ̨nɔ̨i ka yowoɠaa kaa pai naai ka mɛ̨i gɛnɛ̨ pələ ɓa, lon ɉinąą da lon nɛ̨ai Yai-Laa ə dɛɛ ka pɔ, ka káá pai kɛi di mįi.

Bible

⁵³ “Da pâi kásiɣãŋ taa-leei-ŋai maa tínaŋ-nii díkɛ kɔ̀ kápɔ. Ka pâi kɛ̂i mɔ̃lɛ-lâa kpanaŋɔɔ su. M̀ɔ̃lɛ-laai ŋí a pâi gɛ̂i ká pɛ́lɛ kákpɔɔi lonii miî nyii-ŋai Káɣâlai Yâwɛɛ a dɛɛ kápɔi.

Dutɛrɔnome 28:53 Referans Kwoze

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Levetekɔ 26:29

Ka káá pai kɛi ka lonnii hinąą da ka lonnii nɛ̨ą mįi.

Dutɛrɔnome 28:57

A lon kulɔ goolon ɉu, a lonŋąąi ə di kaa yɛnɛ̨ɛ̨; mąąhɔlɔɓo, hɛn gəlee kpɛɛ pələ ɲəi, gaa pai di mįi loo pələi; ɓɛlɔwai ka yowoɠaa kaa pai kɔ́ pɛlɛi la kaa, diɛ ka mąąwɛli ka wɔ taaɠaa hu.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Dutɛrɔnome 28:55

Mąąhɔlɔɓo, hvo pai nəi kpaanɉii, yɛ di kɔ́ a nonnii huwɔ ta, a gəlee mįi da hva lɛɛ; yili a həli kaa ɓɛlɔwai ka yowoɠaa kaa pai gɔ́ heei laa kaa, diɛ ka mąąwɛli ka wɔ taaɠaa kəlee hu.

Maafîu 24:19

Kpalo a ɓɛla koonɛ̨ąɠaa da kɔ́nwɔ̨leeɠaa diɛ a nąąlɔwai tii!

Dutɛrɔnome 28:18

A ka kwəi lonnii nɛ̨ŋɛ̨n naa, da ka wɔ hihɛnŋaa, ka wɔ taatɛlɛɛɠaai kwəi a haa, ka wɔ nįŋɛ̨ koonɛ̨ąɠaa nɛ̨ŋɛ̨n ə laa, da ka wɔ ɓɛlaa kɔ́nwɔ̨leeɠaa.

Dutɛrɔnome 28:54

Nui gaa ka lɔwai, yɛ ɲɔw Yálá ɓa, yɛ mɛ̨nį ɲɔ̨n mąą laa, gaa pai kɛi nąn nonnii, da naa búlu nɛ̨ɛ̨nu da nonnii yiiɠaa daa lɛɛ di kaai gɔwɔyɔɔ.