Dutɛrɔnome 28:30 - Yálá laawoo hɛɓɛ (dc)

³⁰ «Nɛ̨ɛ̨nui ka káá pai doonwəlii kɛi, nu takpɛli ɓə a laa la. Pɛ́lɛ́i ka dɔɔ, ka hva lɔ mu. Ka viɲə yɛa laa, ka hva ma dɔlɔɔ kulɔ.

Yálá laawoo hɛɓɛ

³⁰ «Nɛ̨ɛ̨nui ka káá pai doonwəlii kɛi, nu takpɛli ɓə a laa la. Pɛ́lɛ́i ka dɔɔ, ka hva lɔ mu. Ka viɲə yɛa laa, ka hva ma dɔlɔɔ kulɔ.

Bible

³⁰ “Káta a gbɛ̀tɛ gili-ŋa a gɛɛ é nɛnî da kula núu da kpɛ́ni ƃé pâi kɛ̂i a ǹúui maa-ŋuŋ é seɣe ɣíri maa nɛnii ma. Ka pɛ́rɛ-ŋa tɔ̀ɔ kɛ́lɛ núu da kpɛ́ni-ŋa ƃé pâi kɛ̂i nyiî dímu. Ka pâi sí-sãai sîi kɛ́lɛ núu da kpɛ́ni-ŋa ƃé pâi kɛ̂i m̀á kulâi.

Dutɛrɔnome 28:30 Referans Kwoze

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Zôo 31:10

Akɛ ŋą́ą́ gɛ ti, nɛ̨́ą nwɔ kwɛnąi ə lɛɛ a nu takpɛli nwɔɔ, nu takpɛliɠaa di laa la.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Mise 6:15

Ə́ kaa pai kɛɛ hin ɉii, hva mɔ̨nun dee; ə́ kaa pai kɛi tow kɛi, hva ə́ mąątí wulɔ hɔlɔɓo. Yɛ́ kələ hɔɔ, hva nɔɔ kpələ.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Zôo 3:18

Ə mą kɛ gaho nąmįną ɓə, da kɛ laa, di lii a kɛ a naa. Di hva kɛa gaho pɛlɛ mɛ̨i kaa mun nwoo mɛ̨n.

Dutɛrɔnome 28:31

Da ka wɔ niŋɛ̨i paa ka ɲɛ̨i ɓa, ka hva ɉuwɔ ta mįi. Da ka wɔ hoohvaalən kulɔ ka yəi, hva kɛa bulu pənə kaa. Ka wɔ ɓɛlaa haaɠaa da lɛɛ a ka yowoɠaa pɔɔ, nui lɔpee ta hva hɔlɔɓo, hvo ka mąą kpɔmąąɓo.

Samia Veerɛi 12:11

Yai-Laa woo ka: yɛ diɛ: ə́ ɲɛ̨i hee laa, kpaloi pai ɓɛlai yɛ́, a kulɔ ə́ yəi bɛlɛ́n, ŋą́ ə́ nɛ̨ąni həɠə ə́ ɲɛ̨i ɓa, ŋą́ di tɛɛ ə́ hee yɔwɔ pɔ, yɛ laa a ə́ nɛ̨ąni ə́ ɲɛ̨i ɓa hvóló ŋą ɉə-ɉə.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Zôo 20:18

Ɉɛn ə ɉɔlɔɓo, a pənə ə dɛɛ, hva pɛli mu kpələi, yiiɠaai mąn ə kɛi ɲee pənə di hu, di hvo kɛi kwəinɛ̨ɛ̨ tɛɛ bɔ.

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Woolaa 5:11

Daa too Siɔn nɛ̨ąą mɛ̨i ə mą kɛ, Ɉuda daa-lee hu nɛ̨ɛ̨lɛaa.

Habakukə 3:17

Ɓolaa wuluɠaa di hvo kɛa ɓai, viɲəɠaa di hvo kɛa ɓái. Olivə wuluɠaa di hvo kɛa ɓái, tíi ta hvo kɛa lɛlɛi, ɓɛlaa hvo kɛa ɓɛlaa kwənąn ɉu, nįŋɛ̨ hvo kɛa nįŋɛ̨ gala hu.