Dutɛrɔnome 28:29 - Yálá laawoo hɛɓɛ (dc)

²⁹ Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Yálá laawoo hɛɓɛ

²⁹ Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Bible

²⁹ Vóloi a kula ka pâi kɛ̂i káyee pɛlɛ-pɛ̂lɛi yɛ̂ɛ ŋɛi-pû-nuu. Mɛni kélee ka káyee pìli zui, ŋ̀á fé pâi wɔ́lɔ kɛ̂i ma. Nûa da pâi káluânii díkɛ káfili. Núu da fé pâi kɛ̂i naa é káŋuŋ ma ƃó.

Dutɛrɔnome 28:29 Referans Kwoze

Azaya 59:10

Kuɔ hiɛ ɓɛ ɓɛ, yɛ ɲɛ̨i punuą, da həli pɛlɛ nwąną ɓa, kuɔ ku kɔ́wɔ kpəŋə, tɛ tɛ, yɛ nuąi di ɲɛ̨i hvo diɛ, Hvóló ɲą ɉə ɉə, kuɔ ku kɔ́wɔ tuwo, yɛ nuą da kɛ kpinįi, ku mą kɛ kɔ́lɔi pɔ̨nɔ̨ hu, gaa yɛ kwa kɛ a haa nuą.

Zôo 5:14

Hvóló ŋą ɉe-ɉe, da pili kpinį hu, Hvóló tɔɔ nwun ma lɔwai, diɛ di hiɛ pələ kwɛli yɛ kpinįi.

Nwun mąąɓo 13:1

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Nwun mąąɓo 10:8

Mąą kwɛlan tii hu, di Israɛlə lonnii laanɔ̨nwɔ̨ ɓo kpɔ a mɔlɔ. Kwɛlan bow kɔ́w mɛ̨ihaaɓa yee mu, di Israɛlə lonnii kiin giin, diɛ kɛ Ɉurdɛn yá pulu pələ, Galaadə lɔi hu, Amɔrə nuą pɔɔli.

Nwun mąąɓo 3:14

Israɛlə nuą di lɛɛ Moabə tɔɔmun Ɛglɔn yee mu, ə kɛ a kwɛlan bow kɔ́w mɛ̨ihaaɓa.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Gɛlaɠaa 21:24

Di həɠə ə́ li a diɛ, di di waa yɛ bələi gu huwu la mɛ̨nį kaa la. Hɛn mąąnɛ̨ɛ̨ di gulɔ, ə́ yili kulɔ, ɛlɛɛ di di nwun galaan yili ɓə a gɛ, nuą kəlee di laa na diɛ, mɛ̨nį ŋɛ̨i di mo a ə́ laa, tɛ̨ą hvəli. Ɛlɛɛ, di kɛ a gɔlɔnŋąą diɛ, yɛ́ kpɛli yá Moisə nwɔ́ tɔ́n pɔ yíiɓo.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Woolaa 5:17

Yili mąą mɛ̨ni ɓə kwaa kɛ la a ɲɔ̨n gɛ nuą, yili ɓə ku ɲɛ̨i kpįnįi kuɔ.

Woolaa 5:8

Hvó gaai! Luwɔɠaa daa hee ku mɛ̨i. Nu hvo mą, hvo ku kulɔ ɲəi kɛ.

Zôo 12:25

Diɛ di yee pɛlɛ ɓɛ-ɓɛ kpinį hu, ɓɛi kɛɛ pɔ̨nɔ̨ hvo laa, yɛ di tɔɔ takpa-takpa yɛ lɔɔ honŋąą.

Nehemi 9:37

Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Zɛnɛse 19:11

Sodomə nuąi ŋɛ̨i kɛ kɛa tɔɔni gbon ma, malakaɠaa di nuąi tii kəlee ɲɛ́i kpinį diɛ, ə gɔwɔ tɔɔ ɉilɛlɛa diɛ, ə həli la ɉulɔgoloɠaa diɛ, nu tɔ̨nɔ̨ kpɛli hvo pɛli bɛlɛ́ laaləi kaai.

Lɛɛ gbɔwɔ ɓa 10:21

Yai-Laa yɛ Moisə ɓa: «'Ə́ yee tɛ ɲələi! Kpini ə pɛlɛ Eziptə lɔi mɛ̨i, nuą diɛ di yee pɛlɛ ɓɛ-ɓɛ.»

Dutɛrɔnome 28:28

Yai-Laa kaa pai ɓowo ɲɔ̨n, ɲɛ̨ipu ɲɔ̨n da hupu mąą ɲɔ̨n bɛlɛi kaa.

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Woolaa 4:14

Di kɛi hiɛ yɛ ɲɛ̨ipu nuą, gwəliɠaa lɔwai, ɲąmą a di ɲɛ̨i kɛ hɔwɔ-hɔwɔ. Nu hva pɛli kɛ lɛɠɛi di mąą həɠə ɓa.