Dutɛrɔnome 28:28 - Yálá laawoo hɛɓɛ (dc)

²⁸ Yai-Laa kaa pai ɓowo ɲɔ̨n, ɲɛ̨ipu ɲɔ̨n da hupu mąą ɲɔ̨n bɛlɛi kaa.

Yálá laawoo hɛɓɛ

²⁸ Yai-Laa kaa pai ɓowo ɲɔ̨n, ɲɛ̨ipu ɲɔ̨n da hupu mąą ɲɔ̨n bɛlɛi kaa.

Bible

²⁸ A pâi gɛ̂i káŋɛi da kákili-ŋá é pú ká ƃoo-pere.

Dutɛrɔnome 28:28 Referans Kwoze

Ɉeremi 4:9

Yai-Laa woo ka, yɛ diɛ: Ɲələi tii a həli! Tɔɔmun da nwɔ kalanɉonŋaai, liikpələ hva kɛ di yəi. Ɉaláá laa həli nuą hu a pu diɛ, Yálá kwəi mɛ̨nį hukulɔ nuą kwəi a pili diɛ.

Samuɛlə dɔlɔɔ 16:14

Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Izikiɛ 4:17

Mąąhɔlɔɓo, lɛɠɛ da ya di kaa pai hvɛɠɛi, di kaa pai howai a gee, ɛlɛɛ di kəlee diɛ luɠuun a di wɔ nɛ̨ŋɛ̨nŋąąi laa pɔɔ.»

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Zɛnɛse 19:11

Sodomə nuąi ŋɛ̨i kɛ kɛa tɔɔni gbon ma, malakaɠaa di nuąi tii kəlee ɲɛ́i kpinį diɛ, ə gɔwɔ tɔɔ ɉilɛlɛa diɛ, ə həli la ɉulɔgoloɠaa diɛ, nu tɔ̨nɔ̨ kpɛli hvo pɛli bɛlɛ́ laaləi kaai.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.

Dutɛrɔnome 28:29

Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Woolaa 4:14

Di kɛi hiɛ yɛ ɲɛ̨ipu nuą, gwəliɠaa lɔwai, ɲąmą a di ɲɛ̨i kɛ hɔwɔ-hɔwɔ. Nu hva pɛli kɛ lɛɠɛi di mąą həɠə ɓa.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Zasua 8:34

Ɉosue ə dɔ́n ɉɛɓɛ́ kəlee ɓo, lúwɔ́ woo da nɛ̨ŋɛ̨n nąą woo kɛ ɉɛɓɛ́ hu, yɛ bələi bɛ̨ɛ̨ la dɔ́n ɉɛɓɛ́ hu.