Dutɛrɔnome 28:15 - Yálá laawoo hɛɓɛ (dc)

¹⁵ «Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Yálá laawoo hɛɓɛ

¹⁵ «Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Bible

¹⁵ “À kɛ̀ ka wàla Káɣâlai Yâwɛɛ wóo mɛ́ni ká ŋɔtɔ̂ŋ-ŋai mɛi káa a tɔ̃yâ-pere nyii-ŋai ŋa sâa dɛɛ̂i kápɔi, ǹáɣaŋ-ŋai ŋí da pâi kásonîi.

Dutɛrɔnome 28:15 Referans Kwoze

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Dutɛrɔnome 28:2

Núwɔ́ɠaai pai yɛɛ ka mɛ̨i, di mɔ kaa, akɛ kpɔ ka ka wəli tɔɔ Yai-Laa ka wɔ Yálái woo ɓa, diɛ ka:

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Zasua 23:15

Ə həli kɛa kaa! Mɛ̨nį lɛlɛɛɠaai Yai-Laa ka wɔ Yálái ə mo ka laa mɛ̨i, bələi lɔ ə naa hvɛɛ la, bələ lɔ ɓə, mɛ̨nį nwąnąąɠaai ə mo yɛ hvilɛn na kaa, gəlee pɔ mɛ̨nį kaa pai kɛi la, ə lɛɛ la ɉu, nɔi lɛlɛɛ ŋɛ̨i Yai-Laa ka wɔ Yálái ə dɛɛ ka pɔ, ə ka kpɛ ɉu.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Zɛnɛse 3:14

Yai-Laa ə mo kaalə ɓa kɛa nąąlɔwai, yɛ mą: «Yɛ bələi yáá gɛ la tii, ə́ nɛ̨ŋɛ̨n naai, huwɔɠaa lɔwai, ə mą kɛ, lɔwɔ huwɔɠaa lɔwai, ə́ kaa pai kɛi hiɛi ə́ koo mɛ̨i, muluun gbala ɓə pai kɛi a ə́ kɔ̨nɔ̨n, ə́ yii hvóló kəlee hu.

Zɛnɛse 4:11

Ə həɠə kɛa yiihu ɓa, nɔi ŋɛ̨i ə́ ə́ ləɠə ɲąmą pu mą, gaa ə́ nɛ̨ŋɛ̨n naai.

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Dutɛrɔnome 11:28

Ka ka nwun gulɔ Yai-Laa ka wɔ Yálái nwɔ tɔ́nŋąąi mu, bələi ŋɛ̨i gáá nɛi kaa háákələi, ka həɠə mɛ̨i, kaa hvilɛn haliɠaa pulu, diɛi di kaa a hɛnŋąąi ka hvo di kɔ́lɔn yiihu; nɛ̨ŋɛ̨n naa ɓə ka ɉɔlɔɓo.

Nwun mąąɓo 2:15

Ɓɛlɔwai lɔpee kɛ da li la kɔ́ mɛ̨i, Yai-Laa hva gɔ́ nɛ̨ɛ̨ diɛ, yɛ bələi Yai-Laa ə mo la, yɛ gwɛla diɛ. Nąąlɔwai tii hu, laanɔ̨nwɔ̨ kɛnɛ̨ ə laa di mɛ̨i.

Samuɛlə dɔlɔɔ 4:10

Filisti nuą di gɔ́ yili ŋą, gɔ́ ə kpɔli kpɔ, gɔ́ ə kala Israɛlə nuą diɛ kpɔ kɛnɛ̨, di pu, nu kəlee ə li bɔɔli, volói tii kɔ́kuláá nu waa pow haaɓa, di haa Israɛlə nuą lɔwai.

Kɔlɔnikɔ Veerɛi 7:19

Kɛlaa, ka ká pulu tɔɔ mą́ą́, kaa nwɔ́ tɔ́n nwooɠaa da bɔ liɛwooɠaa lɛɛ, yai ŋį́ naa ka ɲɛ̨i, kaa hvilɛn haliɠaa pulu, kaa kwɛli hvilɛn diɛ;

Kɔlɔnikɔ Veerɛi 12:5

Yálá kwəi mɛ̨nį hukulɔ mun Semaya ə pa ə həli Roboamə ɓa, da Ɉuda ɲɛ̨itɔwɔnuą di ɲąąkpɔnŋąąi kɛ Ɉerusalɛmə, ɓɛlɔwai Sisakə ə kɛi paa la; yɛ diɛ: «Yai-Laa woo ka, yɛ: ‹Kaa ŋɛ̨i kaa nɛ́ɛ́ laa, ɲą́ą́ gbɛli mąn, gáá ka lɛɛi Sisakə yee kɔ́nmą.›»

Kɔlɔnikɔ Veerɛi 34:24

‹Yai-Laa woo ka, yɛ: Gáá pai mɛ̨nį ɲąąnwąnąą laai gɛɛnąą ŋɛ̨i ɓa da ɉu nuą; ɉɛɓɛ́i tii di ɉu woo ɓo Ɉuda tɔɔmun ɲɛ̨i ɓa, mɛ̨nį ɲąąnwąnąą bɛ̨ɛ̨i ɉu, gáá gəlee pɔ mɛ̨nį kɛi;

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 36:31

Gáá pai nwą́ną kulɔi mą, da ɉuwu; da nwɔ tínuą, di wɔ nɛ̨ŋɛ̨nŋąąi mąą mɛ̨nį ɓa. Mɔ̨nɔ̨ kpɛa-kpɛai ŋį́ vaa ɓo diɛ, ɛlɛɛ, di hvo gɛ li di hvo nwóó mɛ̨n, ŋą́ gəlee laa Ɉerusalɛmə nuą da Ɉuda lɔi hu nuą diɛ.›»

Ɉeremi 40:2

Dɔɔmun mąąkpɛ kɔ́kulááɠaa nwun nąmu ɓə Ɉeremi ə kɛ ɲəi. Yɛ Ɉeremi ɓa: «Yai-Laa ə́ wɔ Yálái ɓə mɔ̨nɔ̨i ŋɛ̨i mąą kili tee gwəi, yɛ hvilɛn na gɛɛnąąi ŋɛ̨i ɓa.

Osia 7:12

Da lɛɛ gilɛ həɠəi, ŋą́ą́ nwɔ́ tumɔ̨i pili di mɛ̨i, gɛ́ di pu nɔi ɓa, yɛ yələi nwɛ̨niɠaa, bələi di bələ mɛ̨n na, bələ ɓə ŋį́ di hutɔɔ la.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 28:45

«Nɛ̨ŋɛ̨n naaɠaa tii kəlee kaa pai kɛi a gbanwoɔ kaa, vilɛn ŋąą ka pulu, ə lɛɛ ɉu ka kpɛɛ; Mąąhɔlɔɓo, ka hvo Yai-Laa ka wɔ Yálái woo hon ni, ka hvo nwɔ tɔ́nŋąą da nwɔ tíɓoɠaai kɛ li, yai ə dɛɛ ka pɔ.

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Ɉeremi 11:8

Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 26:4

Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.