Dutɛrɔnome 28:10 - Yálá laawoo hɛɓɛ (dc)

¹⁰ Yɛnɛ̨ɛ̨ nąą kəlee nuą, di kaa pai kɛi diɛ: ka káá a Yálá nwɔ nu huwu.

Yálá laawoo hɛɓɛ

¹⁰ Yɛnɛ̨ɛ̨ nąą kəlee nuą, di kaa pai kɛi diɛ: ka káá a Yálá nwɔ nu huwu.

Bible

¹⁰ À kɛ̀ tí, gɛ̀ ní ŋ̀éniɛi su-ƃelai kélee da pâi gɔ̂lɔnii a gɛɛ ŋɔnûa ƃa káa, ǹyaŋ da pâi yaôi kâa.

Dutɛrɔnome 28:10 Referans Kwoze

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Malasi 3:12

Lɔi takpɛliɠaa kaa pai kɛi káá: Ká wɔ lɔi kaa a lúwɔ́ lɔi, mąąhɔlɔɓo, ka káá ka nɛ̨ɛ̨ hu ka pɔ lɔi. Ɲą́ą́ Yai-Laa Mɛ̨nį Kəlee ŋą Hééɓomun, wóó li.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.

Lonon mo 6:27

«Da Yai-Laa təli tii a naa, Israɛlə lonnii mɛ̨i, yaa tii a Yai-Laa a lúwɔ́ too Israɛlə lonnii diɛ.»

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Lɛɛ gbɔwɔ ɓa 14:25

Nwotoloɠaa kɔ́wɔ ə kanąn diɛ, Ɉooɠaa di hvo kɛi pɛli ɲalai. Eziptə nuą diɛ mą: «'Ka gu gu pulu pənə, gu həɠə Israɛlə lonnii pulu. Mąąhɔlɔɓo, Yai-Laa ɓə dɔɔ di pulu, yɛ di wɔ kɔ́i kɔ́.»

Lɛɛ gbɔwɔ ɓa 12:33

Eziptə nuą di Israɛlə lonnii mąąwələən di kulɔ mɛ̨nį ɓa nɔi, mąąhɔlɔɓo di kɛi kɛ diɛ: «Ku kəlee ku kaa pai haai!»

Azaya 63:19

Ɛlɛɛ, ɉu aa kwɛa, ku kaa lɔ kɛa yɛ nuąi hvo ə́ wɔ tɔɔlaa kɛi di mɛ̨i, di hva kɛa ə́ laa ɓo kuɔ. E kə! Ya pɛli kɛ mą, 'ə́ yələ kɔ́lɔn ɉu ɓɛla, ə́ yɛɛ, 'ə́ gɛ yeeɠaa diɛ kpɛlin ə́ ɲɛ̨i tɔwɔ.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.