Dutɛrɔnome 26:8 - Yálá laawoo hɛɓɛ (dc)

⁸ Ə ku kulɔ Eziptə lɔi hu a nwɔ huwalawala yii hɛn da hva tɔɔ na, a ɲee walawalaa, ə kpalo ɓɛla ku mɔ̨nɔ̨ ɓo nuą diɛ, a kpalo mɛ̨nį da kwɛlɛɛn mɛ̨nį kpɛa kpɛaaɠaa.

Yálá laawoo hɛɓɛ

⁸ Ə ku kulɔ Eziptə lɔi hu a nwɔ huwalawala yii hɛn da hva tɔɔ na, a ɲee walawalaa, ə kpalo ɓɛla ku mɔ̨nɔ̨ ɓo nuą diɛ, a kpalo mɛ̨nį da kwɛlɛɛn mɛ̨nį kpɛa kpɛaaɠaa.

Bible

⁸ È kúkùla díyêei a ŋɔwála-wala yeei. È ŋɛi-kɛ-maa támaa kɛ̀ díŋɛi. È gɛ̀ dia máŋ dí mɛni kpɔ̂lu támaa sɔlɔ ƃó. È mɛni mili-mili támaa kɛ̀ a dia.

Dutɛrɔnome 26:8 Referans Kwoze

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 12:37

Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Dutɛrɔnome 34:11

Moisə ɓə Yai-Laa ə dɔɔ Eziptə lɔi hu, yɛ nwɔ kpalo mɛ̨nįɠaa da kwəi pili mąą mɛ̨nį kɛ ɲee hu, yɛ naa Eziptə tɔɔmun Faraɔn ɓa, da nwɔ nwun nąmįną, ə mą kɛ, nɔi nuą.

Dutɛrɔnome 34:12

Moisə tii ɓə mɛ̨nįɠaa kɛ a yee walawala laa, yɛ ɲɔw kɛnɛ̨ lɔ nuą hu, Israɛlə lonnii ɲɛ̨i ɓa.

Ɉeremi 32:21

Ə́i wɔ nu kpului Israɛlə kulɔ Eziptə lɔi hu, a kpalo mɛ̨nįɠaa, da mɛ̨nį kpɛa kpɛa kɛɛ, a ə́ hvaŋą kɛnɛ̨, a ə́ yee kɔ́ŋɔn ɉu walawalaa; yɛ nuą kwəi pili diɛ.