Dutɛrɔnome 26:6 - Yálá laawoo hɛɓɛ (dc)

⁶ Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.

Yálá laawoo hɛɓɛ

⁶ Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.

Bible

⁶ Kɛ́lɛ ǹɔii tí su-ƃela dí kúsòŋ a nyɔ́mɔɔ. Dí gɛ̀ kú tíi kpânaŋ-ŋa kɛ́ kú mɔ̃lɛ a zu kôyaa.

Dutɛrɔnome 26:6 Referans Kwoze

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Lɛɛ gbɔwɔ ɓa 5:23

Ə həɠə kpɔ ɲələi ŋɛ̨i ŋį́ ə́ wɔ wɛlɛɛ ɓo la Eziptə tɔɔmun ma, gaa lɔ yɛ Ə́ wɔ nuąi laanɔ̨nwɔ̨ ɓo, ɛlɛɛ, hvó di nwun mąąɓoi.»

Lɛɛ gbɔwɔ ɓa 5:19

Góló nwun nąmįnąą kɛ Israɛlə lonnii lɔwai di kulɔ tɔɔmun bɔɔli, a líiholi, mąąhɔlɔɓo, tɔɔmun ə kɛ diɛ: «Bɔlɔkɔwi hiɛ ka gulɔi, yaa lɔ ɓə ka káá kɛi gulɔi.»

Lɛɛ gbɔwɔ ɓa 5:9

Gu di kɛ kóló ta kɛ mą, akɛtii góló kɛ kiliŋąhiɛ lɔ ɓə da gɛ, di hva kɛa di kiliŋąhiɛi mɛ̨nį takpɛli ɓa.»

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:16

«Ka lɛɛ Hebreu nɛ̨ąą tii ta kwɛlɛ, yɛ kwəinwąną kɛ, non a kɛ a hulɔnu, 'ka baa. Akɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:8

Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Dutɛrɔnome 26:7

Ku wɔlɔ Yai-Laa ku nąnni di wɔ Yálái ɓa. Yili ə ku wɔlɔ woo mu hon, ə ku wɔ mąąwɛli laa kaa; da mɔ̨nɔ̨i ku kɛi mįi, ə mą kɛ laanɔ̨nwɔ̨i ku kɛ ɉu.

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.