Dutɛrɔnome 24:8 - Yálá laawoo hɛɓɛ (dc)

⁸ Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Yálá laawoo hɛɓɛ

⁸ Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Bible

⁸ “À kɛ̀ a kpono ma kɔlɔ-fela ka káwoli tɔ́ɔ ǹia-wooi ma zâla láa-soŋ-ƃelai nyii-ŋai díkaa a Liiva-ŋai da dɛ̀ɛ kápɔi. M̀ɛni-ŋai kélee ŋá mò dîa a gɛɛ dí nɛ́ kâai, ká káwoli tɔ́ɔ dîa.

Dutɛrɔnome 24:8 Referans Kwoze

Levetekɔ 14:2

«Ɲələi hvólóɲɔ̨n gɛmun da mąą a həɠə la, bələi da mąą mɛ̨nį kɛ la, bələ ka: mąąnɛ̨ɛ̨ di li la ɉaláá laa həli mun bɔ.

Lukə 17:14

Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Lukə 5:14

Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Markə 1:44

Hvo mɛ̨nį ŋɛ̨i hukulɔ nui lɔpee ta ɓa. Kɛlaa, li ə́ kpɔɔ lɛ ɉaláá laa həli mun mą, yɛ mą: Gɔ́lɔ́ a pono. Yili pulu, ɉaláá yii Moisə ə vaaɓo, ə́ yili kulɔ, ə gɛ, nu kəlee di gɔlɔn diɛ ə́ kɔ́lɔi aa pono, ə́ mąą a həɠə.

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Levetekɔ 13:57

Kɛlaa, hɛn da a pənə a kɛ ɉəɠəi ti ɓa, ə kɛ a həɠə ɓɛla, a həɠəi di bala di yee ɲą, a wala kɛ ti hɛn lɔpee gaa a huwɔ kɔ́lɔ, a kɛ tii ɉɛn tii bɔɔ lɛɛ ɉəɠə ɓa, ya ka tii pənəi yɛ bɛlɛi kwɛli a nįnɛ̨, da mąą hɛn ti kələn.

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Levetekɔ 14:14

Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Levetekɔ 14:57

Ɲələɠaai tɔ́n a kɛ la diɛ, da ɲələɠaa tɔ́n va kɛ la diɛ, bələ ka tii. Hvólóɲɔ̨n mąą mɛ̨nį kɛ pələ ka tii.