Dutɛrɔnome 23:17 - Yálá laawoo hɛɓɛ (dc)

¹⁷ A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Yálá laawoo hɛɓɛ

¹⁷ A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Bible

¹⁷ “Eezuɛ surɔ̂ŋ kpaa máŋ nɛnî da fé kɛ̀ a wulu-wulu kɛ́-nuu Ɣâla fɛli kwaa ma.

Dutɛrɔnome 23:17 Referans Kwoze

Tɔɔɓɛlaa veelɛ 23:7

Ɉaláá wɛli kɛ nuą di wɔ pɛ́lɛ́i kɛ Yai-Laa hee pɛlɛ́ kwɛlɛ, Ɉosiasə ə nwolo; ɓɛi nɛ̨ąą di kɛi Asera nwɔ haláá həɠə pala laa.

Tɔɔɓɛlaa dɔlɔɔ 14:24

Haláá wɛlikɛ nuą di di muhəɠə lɔi hu, di túwɔ́ kpɔlɔɔ yɛ bələi nuąi Yai-Laa ə di hukala Israɛlə mąą mɛ̨nį ɓa, di kɛɛ kala la.

Levetekɔ 19:29

«'Hvo ə́ lon nɛ̨ɛ̨nu ɓɛlɛkpɛɛ mą, a gɛi ya mo a wɛlikɛnɛ̨ɛ̨nu, nɔi hvo pa nee ɲee too wɛli kɛɛ hu, naa hvo pa hvɛɛ a wɛli mɛ̨nį.

Tɔɔɓɛlaa dɔlɔɔ 22:46

Ɉosafatə kɛ mɛ̨nįɠaa, guláá laai ə gɛ, da pələi ə kɔ́ kɔ́ la, mɛ̨nįɠaa tii di hvo mɔ̨ɔ̨ pɛ̨ɛ̨ li Ɉuda tɔɔɓɛlaa kɛ mɛ̨nį hɛɓɛ́ hu?

Tɔɔɓɛlaa dɔlɔɔ 15:12

Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Hanwon 2:16

Kili a ɲɛ̨i kɛ yɛ́, hvá pɛli ə́ wəli tɔɔi nwɛ̨ą nɛ̨ɛ̨nu nwɔ gbanalaa woo ɓa.

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Dutɛrɔnome 22:29

ɉulɔnui tii laa a nɛ̨ɛ̨non, a wali kwələ pow lɔɔli tɛɛ nɛ̨ɛ̨non nąn bɔ. Yii kpɔ aa nɛ̨ɛ̨non tii kpəla laa, a lɛɛ ɲəi a nɛ̨ą. Ɛlɛɛ, ɉulɔnu hva pɛli nɛ̨ɛ̨nui tii kpɛi yii kpɔ yaa tii a ɉulɔnu gaa nii yɛnɛ̨ɛ̨.

Zôo 36:14

Di wɔ yɛnɛ̨ɛ̨ a kpɛɛ di hilɛlɛa kɔ́lɔi da di wɔ yɛnɛ̨ɛ̨ ɲąą kpɛɛ wɛli kɛ ɲɔ̨n ɉu.

Osia 4:14

Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.