Dutɛrɔnome 22:8 - Yálá laawoo hɛɓɛ (dc)

⁸ Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.

Yálá laawoo hɛɓɛ

⁸ Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.

Bible

⁸ “Ka pɛ́rɛ tɔ̀ɔ nyii mɛi-pêre káa tɛ̀-tɛi, ka siɣãŋ kpua tínaŋ mɛi-pêre tɛ̀-tɛi wóli lá. À wàla kɛ́ tí núu da a kùla naa a tòo a sàa, ŋãa mɛni a pâi lɛɛ̂i kâa.

Dutɛrɔnome 22:8 Referans Kwoze

Markə 2:4

Kɛlaa, di hvo pɛli lɔi bɛlɛ́n a ɲɔ̨n gɛ mun, nu kpulu mąą mɛ̨nį ɓa. Ya ɓə gɛ, di tɛ di bɛlɛ kɔ́n mą kulɔ, ɓɛi kpɔlɔɔ tii Jesus ə kɛ laa nąą nwun mɛ̨i, di nwɔn gɛ mun lɛɛ laani naa hɛn mɛ̨i, di ɲɛɛ Jesus lííla.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Azaya 22:1

Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Lɛɛ gbɔwɔ ɓa 22:6

«‹Nu a hɛn da tɛɛ mɛlanmun bɔ yɛ naaikɛ, yɛ ə kɛ a wali, yɛ ə kɛ a hɛn nɔpee ta, da ɉɛnŋąąi tii nwuɔ̨ ɲee kɛ mąąmun ɲəi, da nwuɔ̨mun ɉon, mąąnɛ̨ɛ̨ nwuɔ̨mun ə ɉɛnŋąąi tii pɔɔ kulɔ ɉu gee mɛ̨i hveelɛ.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 3:18

Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Dutɛrɔnome 22:7

Akɛ yá yili ɲɔ̨nwɔ̨mąn gaa tii, yá nwɛ̨ni lonnii həɠə, a wala kɛ tii, nwɛ̨ni ɲąnin, ə́ wɔɔ li, ə́ nee lɛɛ laa. Yá gɛ tii, bələ ɓə yá kɛ la a nwun na nɛ̨ɛ̨mun, ə́ yii yɛ kwɛa.

Dutɛrɔnome 22:9

Viɲə yɛa a kɛ ka yəi, ka hvo hihɛn dakpɛli hin ɉu, əgɛ, gəlee hvo pa kɛ a hɛn naakwɛlanmoɔ Yálá ɓa, viɲə ɓá da ɉihɛn dakpɛlii tii.

Samuɛlə dɔlɔɔ 9:25

Di həɠə ɉaláá kulɔi də li daa kwəi. Samuɛlə da Saulə di hee ɲələi pɛlɛ ɲimąn mu, di hee laa di tɔ̨nɔ̨ kɛɛnąą di lono kɛ.