Dutɛrɔnome 22:21 - Yálá laawoo hɛɓɛ (dc)

²¹ Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Yálá laawoo hɛɓɛ

²¹ Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Bible

²¹ gɛ̀ ní gbakolo-ŋai daai su da zòŋ dí pá la ǹâŋ ŋɔkpôŋ lá dílɛɛ zɔɔ̂i a kɔni é sáa, kpɛ́ni fêi, a ƃaa kula-maa mɛni kɛ́ Eezuɛ lɔii su a nyiɛɛ a surɔ̂ŋ da kpɛ́ni a tãi è kɛ̀ nîi la ǹâŋ ŋɔpɛ́rɛi mu é lɛ́ɛ pâi surɔ̂ŋ kulai. Fɛ̂ɛ ka zɔnyɔ̂ŋ-ƃelai kula kásama.

Dutɛrɔnome 22:21 Referans Kwoze

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Zɛnɛse 34:7

Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Nwun mąąɓo 20:6

Nąąlɔwai, ŋą́ nwɔ́ wɛlii powa həɠə, ŋą́ ɉu tee tee a gbuɔ pow kɔ́w hveelɛ, ŋą́ ɲąąkwɛlɛ Israɛlə huwu heei pow kɔ́w hveelɛi ɓa, mąąhɔlɔɓo, daa ɓɛlɛkpɛɛmąą túwɔ́ ɓo a ɲą́ą́ Israɛlə lɔi hu.

Nwun mąąɓo 20:10

Israɛlə lonnii lɔwai, nu pow ɓə kwa ɉəɠə nu nwun dɔ̨nɔ̨ hu, nu waa tɔ̨nɔ̨ hu, nu nwun dɔ̨nɔ̨ ɓə kwa ɉəɠə, nu waa pow hu, nu waa tɔ̨nɔ̨ ɓə kwa ɉəɠə. Nuą tii ɓə pai lii, di kɔ̨nɔ̨n gwɛli di paa la, ə gɛ, gɔ́ laɠai pai lii Givea Bɛnɉamɛn lɔi hu nuą di wɔ ɓɛlɛkpɛɛmąą túwɔ́i di mo Israɛlə lɔi hu, gwələ kulɔi di kɔ̨nɔ̨n.»

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Dutɛrɔnome 19:19

mɛ̨nį yii ə giliŋąhiɛ mą, yɛ kɛ di naa mɛlan gaalon tii ɓa, yili ɓə da naa yaa tii mą. Ka mɛ̨nį ɲɔ̨n gulɔ tii ka lɔwai.

Dutɛrɔnome 17:7

Gəlaɠaa ɓə da gbɛa di yee pɛlɛ baa mɛ̨nį ɓa, yili pulu, nuą kəlee diɛ tɛɠa di laa too ɉu. Ka mɛ̨nį ɲɔ̨n gbɛɛ tii ka lɔwai.

Levetekɔ 21:9

«Haláá laa həli mun lon nɛ̨ɛ̨nu a gbɔwɔ kɛ a wɛli kɛmun, a gbɔwɔ ɓɛlɛ too, ɛlɛɛ aa nąn mɛlɛ too; mąąnɛ̨ɛ̨ di gələn.

Dutɛrɔnome 22:24

ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 22:22

Da hulɔnu ta hon, da hilɛtaai nɛ̨ą di ɓo laani, da gəlee hveelɛi paa, ɉulɔnui tii laa a nɛ̨ɛ̨nu, ə mą kɛ nɛ̨ɛ̨nu kpɛli mąn. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Levetekɔ 24:23

Moisə ə mɛ̨nįɠaai tii kəlee laa həli Israɛlə lonnii diɛ. Nui tii Yálá lalan, di kulɔ la daa pulu, di ɉɔɔ a kwɛni. Mɛ̨nįi Yai-Laa ə Moisə tí la, Israɛlə lonnii di gɛ.

Levetekɔ 24:16

Ɛlɛɛ, nui a Yai-Laa laa ɓɛlɛ too woo ɓo, da baa; yɛ ə kɛ a nwɛ̨ą, yɛ ə kɛ a nɔi lon, Israɛlə nuą kəlee da ɉɔɔ, da baa mąąhɔlɔɓo, aa Yálá laa ɓɛlɛ too.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Levetekɔ 19:29

«'Hvo ə́ lon nɛ̨ɛ̨nu ɓɛlɛkpɛɛ mą, a gɛi ya mo a wɛlikɛnɛ̨ɛ̨nu, nɔi hvo pa nee ɲee too wɛli kɛɛ hu, naa hvo pa hvɛɛ a wɛli mɛ̨nį.

Nwun mąąɓo 19:23

Ɉulɔgoloi ə kulɔ ɲɛnɛ̨ɛ̨, yɛ diɛ: «Gááyɔwɔɠaa, və́ kɛli ka mɛ̨nį ɲɔ̨n gɛ a nwɔ́ nwɛ̨ąi, nɛ̨ɛ̨mąą ɓə gáá vəi kaa. Ka hvo ɓɛlɛkpɛɛmąą túwɔ́ ɓo a ɉulɔnui ŋɛ̨i.

Nwun mąąɓo 20:5

Givea hinąą di pa, di nwɛ̨́ą pɛlɛ́ mąą tínɛ̨n diɛ kɛ di mɛ̨nį ɲɔ̨n gɛ a ɲą́ą́. Di kɛ bɔ di báá, nɛ̨́ą ɓə di laa la, di lɛɛ la ɉu, di baa.

Zɛnɛse 38:24

Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.