Dutɛrɔnome 21:8 - Yálá laawoo hɛɓɛ (dc)

⁸ Yai-Laa, Israɛlə lonnii mąąhvaalɛɛ, yɛ́ ɓə di nwun mąąɓo, hvo kwəi kwələ mun ɲąmą pu mɛ̨nį wulu lɛɛ ə́ wɔ nu huwui nwuɔ̨.» A kɛ tii, ka mąąhvaa a lɛɛ ɲąmąi tii pu mąą mɛ̨nį ɓa.

Yálá laawoo hɛɓɛ

⁸ Yai-Laa, Israɛlə lonnii mąąhvaalɛɛ, yɛ́ ɓə di nwun mąąɓo, hvo kwəi kwələ mun ɲąmą pu mɛ̨nį wulu lɛɛ ə́ wɔ nu huwui nwuɔ̨.» A kɛ tii, ka mąąhvaa a lɛɛ ɲąmąi tii pu mąą mɛ̨nį ɓa.

Bible

⁸ Yáawɛ, ínûai Eezuɛ-ŋai malôŋ káa. Yá ƃé díŋuŋ ma ƃò ǹuɛ-laai su. Ífe ínûai sɔŋ sîɣe ǹalôŋ ŋí ŋãa pú mɛni su.’ A pâi ǹyée seêi káwoo mu.

Dutɛrɔnome 21:8 Referans Kwoze

Zôna 1:14

Nąąlɔwai di wɔlɔ Yai-Laa ɓa, diɛ mą: «Yai-Laa kuɔ mɛ̨nį nąmu, hvo ku nwun napili ɉulɔnui ŋɛ̨i mąą mɛ̨nį ɓa. Ɉulɔnui ŋɛ̨i, hvo mɛ̨nį ta kɛ li a kuɔ, hvo ɉaa nwulu lɛɛ ku nwuɔ̨. Mąąhɔlɔɓo, Yai-Laa, pələi ə́ kɛ la bɔ, bələ ka ŋɛ̨i ə́ gɛ la.»

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Samia Veerɛi 3:28

Bələ mɛ̨n Davidə ə mo, ə mo naa pulu, yɛ diɛ: «Nɛrə lon Avnɛrə haa mɛ̨nįi ŋɛ̨i hu, ɲą́ą́ kwa nwɔ́ tɔɔlaai ku yee hvo kpɛli ɉu tiikpə kpɛli, Yai-Laa ɲɛ̨i ɓa.

Dutɛrɔnome 21:7

Diɛ di hɛatɔɔ, diɛ kɛ mą: «Ku yee hvo ɲąmąi ŋɛ̨i pu li; Ku ɲɛ̨i hvo tɔɔ li baa mɛ̨nį hu.

Tɔɔɓɛlaa dɔlɔɔ 2:31

Tɔɔmun yɛ mą: «'Li, ə́ gɛ yɛ bələi tii ə mo la; Yili pulu ə́ bowa loo. Yá yili kɛ tii ɲąmąi ŋɛ̨i Ɉoabə ə bu nwun ve kɛ mą, yaa nwulu həɠə ną́n nwɔ pɛ́lɛ́i nwuɔ̨.

Levetekɔ 17:4

a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.