Dutɛrɔnome 21:5 - Yálá laawoo hɛɓɛ (dc)

⁵ Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Yálá laawoo hɛɓɛ

⁵ Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Bible

⁵ Zâla láa soŋ-ƃelai nyii-ŋai díkaa a Liiva ǹônii-sinaai da pâi pâi kpɛ́ni fêi, dia ƃa káloai-ƃela ka Káɣâlai Yâwɛɛ-ni dí kɛ́ lûwa fɛli kámɛni ma. Dia ƃé da laa-sâa mɛni-ŋa kélee kpɛtɛ káloai.

Dutɛrɔnome 21:5 Referans Kwoze

Kɔlɔnikɔ Maa-ŋuŋ 23:13

Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Dutɛrɔnome 19:17

nu hveelɛi tii vaa kaa di lɔwai, da li Yai-Laa hee pɛlɛ́ laaləi, di di wɔ mɛ̨nįi tii laa həli ɉaláá laa həli nuąi da kɛ laa, da giti tee nuą diɛ, diɛi da kɛ laa a volói tii.

Dutɛrɔnome 18:5

Mąąhɔlɔɓo, Levi ɓə Yai-Laa ka wɔ Yálá ə ɉəɠə ɉu da nonnii ka huwu kəlee lɔwai, diɛ ɓo la Yai-Laa lííla a yələ kəlee, diɛ haláá kulɔ Yai-Laa laa hu.

Levetekɔ 9:22

Aarɔn ə ɲee haŋą nuą mɛ̨i, ə lúwɔ́ too nuą diɛ, ə yɛɛ. Aa kɛ ɲee laa kulɔ a nɛ̨ŋɛ̨n mąąhvaalɛɛ haláá kulaa da ɉaláá yii da gəlee kələn da liilaa haláá.

Dutɛrɔnome 21:4

daa kalanɉonŋąą da nįŋɛ̨ kpɛlai tii tənən dɔɔ tɛɛ yá ta pɔ pələ, ɓɛi di hvo ni tíi kɛ li laa; di hvo ni hɛn da hin ni laa. Da həli ɲá ɓa, di nįŋɛ̨ kpɛlai tii kpowo kalan nwolo ɲá kwɛlɛ.

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Kɔlɔnikɔ Veerɛi 19:10

Ka kaayɔwɔɠaa di kaa daaɠaa hu, da pa a mɛ̨nį ɓo ta ka lííla, ə kɛ a nu kan mɛ̨nį, awala kɛ tii, yii hvilɛn na tɔ́n mɛ̨nį ɓa, da bɔ túwɔ́ ɓo mɛ̨nį, ə kɛ a mɛ̨nį loonŋąą, awala kɛ tii, huwula mɛ̨nį; 'Ka mɛ̨nįi tii hupono a diɛ, əgɛ, di hvo pa kɛ a hɔnmąą nuą Yai-Laa ɓa, ŋą liiɲąnwąną hvo pa ɓɛla ka mɛ̨i ka ká kaayɔwɔɠaa. 'Ka túwɔ́ tii a nɛlɛɛ, əgɛ, ka hvo pa kɛ a hɔnmąą nuą.