Dutɛrɔnome 21:21 - Yálá laawoo hɛɓɛ (dc)

²¹ Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Yálá laawoo hɛɓɛ

²¹ Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Bible

²¹ À kɛ̀ tí daai tí su kpakolo-ŋai kélee da zɔɔ a kɔni dí báa. Fɛ̂ɛ ka zɔnyɔ̂ŋ-ƃelai kula kásama. Ǹúui gbéli-ŋai da m̀ɛni da pâi yaôi.

Dutɛrɔnome 21:21 Referans Kwoze

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Levetekɔ 24:16

Ɛlɛɛ, nui a Yai-Laa laa ɓɛlɛ too woo ɓo, da baa; yɛ ə kɛ a nwɛ̨ą, yɛ ə kɛ a nɔi lon, Israɛlə nuą kəlee da ɉɔɔ, da baa mąąhɔlɔɓo, aa Yálá laa ɓɛlɛ too.

Dutɛrɔnome 22:24

ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Levetekɔ 20:27

«Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Levetekɔ 24:14

«Nui tii nalan bili, ka kulɔ la daa pulu pələ, nuąi kpɔ nwoo mɛ̨n, di di yee laa nwuɔ̨, ɛlɛɛ Israɛlə nuą kəlee di ɉɔɔ a kwɛni.

Lonon mo 15:25

Ɉaláá laa hɛlimun a nɛ̨ŋɛ̨n mąąhvaalɛɛ woo ɓo, Israɛlə lonnii kəlee mąą mɛ̨nį ɓa, Yálá yɛ kɛa di mąą hvaalɛɛ; hvo gaai ə kɛ a nu tɛɠii nɛ̨ŋɛ̨n. Da pa a ɉaláá hɛn, a kɔ̨nɔ̨n da gələn Yai-Laa ɓa. Ɛlɛɛ, da nɛ̨ŋɛ̨n mąąhvaalɛɛ haláá laa həli Yai-Laa ɓa, di tɛɠii nɛ̨ŋɛ̨n tii mąą mɛ̨nį ɓa.

Lonon mo 15:35

Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Lonon mo 15:36

Nuą kəlee di ɉon, di kulɔ la ɉįi pulu pələ, di ɉɔɔ a kwɛni ə haa. Yili ɓə Yai-Laa ə Moisə tí la.

Dutɛrɔnome 21:20

Diɛ galanɉonŋąą diɛ: «Ku lon ga, hva ku woo mɛ̨n, ɛlɛɛ, aa gwɛli tee, aa nwɔ yɛnɛ̨ɛ̨ hon a ɲɔ̨nwɔ̨ɔ̨ yɛ ɓo lɔ hvóló kəlee a lɔɔ hon.»

Samia Veerɛi 18:17

Di Absalɔn powa həɠə, di bili ɓoloon gɛnɛ̨ ta hu nwɛla hu, di kwɛni hįi kɛnɛ̨ ta tɔɔ mɛ̨i a kili lɛɛ ɉu hɛn. Israɛlə nuą kəlee di pu, nu kəlee ə li bɔɔli.

Lɛɛ gbɔwɔ ɓa 21:17

«‹Nui a gaamun da lalan, mąąnɛ̨ɛ̨ di baa.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 13:12

Israɛlə nuą kəlee kaa pai bələ mɛ̨n ɉii, diɛ ɲɔw, nuą di kpəla mɛ̨nį ɲɔ̨n daaləi tii kɛɛ ɓa ka lɔwai.

Dutɛrɔnome 17:7

Gəlaɠaa ɓə da gbɛa di yee pɛlɛ baa mɛ̨nį ɓa, yili pulu, nuą kəlee diɛ tɛɠa di laa too ɉu. Ka mɛ̨nį ɲɔ̨n gbɛɛ tii ka lɔwai.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.