Dutɛrɔnome 20:20 - Yálá laawoo hɛɓɛ (dc)

²⁰ Kɛlaa nwulu yiiɠaai ka gɔlɔn di hva ɓá, ka pɛli mą ka di pɔn; kaa ka wɔ kólóɠaa kɛ la, daai tii gɔ́ kaa ka yaa ka lɔwai ɉon mɛ̨nį ɓa, ə lɛɛ ɉu ka ɉon.

Yálá laawoo hɛɓɛ

²⁰ Kɛlaa nwulu yiiɠaai ka gɔlɔn di hva ɓá, ka pɛli mą ka di pɔn; kaa ka wɔ kólóɠaa kɛ la, daai tii gɔ́ kaa ka yaa ka lɔwai ɉon mɛ̨nį ɓa, ə lɛɛ ɉu ka ɉon.

Bible

²⁰ Ŋ̀úru nyii-ŋai ká gɔ́lɔŋ díƃa fé a mii-sãa kámɛni mai, ka pɔ̂ri díteêi ká kɛ́ tíi kɛ̀ a dîa é lɛ́ɛ la zu daa-leei ka kɔ̂i bɔi ká ǹyée mɛi ɣâle.

Dutɛrɔnome 20:20 Referans Kwoze

Izikiɛ 17:17

Ə mą kɛ Faraɔn aa kpɔn mą a nwɔ kɔlaɠa hu kɛnɛ̨i, ɉu wala walai, yili hva mąą kɔ̨nwɔ̨ a gɔ́ kɔ́ yələ, a ɓɛlɔwai di kaa pai lɔwaɠaa tee la daa ɓa, diɛ kɔ́ pɛlɛ́ɠaa tɔɔ mą, diɛ nu kpulu kɛnɛ̨ paa.

Ɉeremi 33:4

A tɛ̨ą, Yai-Laa Israɛlə nwɔ Yálái woo li, yɛ hvilɛn na daai ŋɛ̨i hu pɛlɛ́ɠaa diɛ da Ɉuda tɔɔɓɛlaa di wɔ pɛlɛ́ɠaai, diɛɠaai di puɔ a daa hvaną lɔwa pɔɔ da kɔ́ kɔ́ ɓɔwa.

Ɉeremi 6:6

Mɛ̨nį Kəlee ŋą Hééɓomun Yai-Laa woo ka, yɛ diɛ: «Ka nwuluɠaa pɔn, daa ɓa, ka pələ laa yɛ li Ɉerusalɛmə daa kwəi ŋą́ą́ daa tii laakwɛlanmo kɔ́ ɓa.» Mąąhɔlɔɓo, weya mɛ̨nį lɔ ɓə ɉu.

Azaya 37:33

Yili ɓə gɛi, mɛ̨nįi Yai-Laa kaa moi yɛ hvilɛn na Asiri tɔɔmun mą, ya ka: hvo pai lɔi daai ŋɛ̨i hu, hvo pai nwɔ tɔ́nwąɠaai pilii laa, hvo pai woloi daa ɓa a nwɔ kɔ́ kɔ́-kwɛlihɛnŋąąi, hvo pai goto pɛlɛi ɉį́i ɓa.

Ikilisiati 9:14

Taa ta ə kɛ laa, ɉu nuą di hvo kɛ tamą li. Tɔɔmun ɉuwala-walaa ta ə pa, yɛ kɛ ə kɔ́ pɛlɛ daa lon tii ɓa. Ə daa mąą tinɛ̨n a kɔlaɠa, ə gɛ, ɉu nuą hon a kɔluwɔ.

Kɔlɔnikɔ Veerɛi 26:15

Oziasə ə kɔ-kɔ hɛnŋąą pɛli ə ɉee gɔ-pɛlɛ́ɠaa tii kwɛlɛ da ɉįi kpoloon gee kaaiɠaa ɓa Ɉerusalɛmə, diɛ pɛli tonwą pilii da kwɛni kpuwuluɠaa. Naa ə tɛ ə li kpɔ kwɛa la, mąąhɔlɔɓo, Yálá ə kpɔnmą, yili ɓə vaŋą kɛnɛ̨.

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 20:19

Ka hee taa ɓa a kɔ́ ɉu a kwɛa kaa kɛ ka ɉon, mąą hvo nɛ̨ɛ̨li ka hvo nąą hin nwuluɠaai tii tee; mąąhɔlɔɓo, di ɓá ɓə ka káá pai mįi. Ka hvə nwuluɠaa tii tee; kpomói wulu kɛ ɓo mɔ̨ɔ̨ a nu kan yai ka li kɔ́ pɛlɛi mą?

Dutɛrɔnome 21:1

Nɔi tii Yai-Laa ka wɔ Yálái kaa dɛɛ ka pɔ, kaa hee ɉu, akɛ da nu ta kaa, daa baa ə ɓo tooni kpomói, ɛlɛɛ, nui baa di hvo gɔlɔn;

Tɔɔɓɛlaa veelɛ 3:19

Daa kpɛa kpɛaɠaai hįi tɔɔ diɛ, ka káá pai gəlee woloi kpɔ tɛ̨ɛ̨tɛ̨ɛ̨, da daa kpɛa kpɛa takpɛliɠaa; ka ɉi wuluɠaa kəlee tee, ka di kpələ yálɔwaɠaa kəlee laa kpulu, ka di wɔ tíi kɛiɠaa kəlee kala a kwɛni hiinɠaa.