Dutɛrɔnome 20:14 - Yálá laawoo hɛɓɛ (dc)

¹⁴ Kɛlaa, nɛ̨ąą da nɛapɛlɛɛ, daatɛlɛɛɠaa da hɛn lɔpee a kɛ laa daai, ka gəlee həɠə a kɔ́ honŋąą. Ka yowoɠaa yəi hɛnŋąą di kɛ a ka kɔ̨nɔ̨n, a ɉɛn Yai-Laa ka wɔ Yálái kaa pai dɛɛi ka pɔ.

Yálá laawoo hɛɓɛ

¹⁴ Kɛlaa, nɛ̨ąą da nɛapɛlɛɛ, daatɛlɛɛɠaa da hɛn lɔpee a kɛ laa daai, ka gəlee həɠə a kɔ́ honŋąą. Ka yowoɠaa yəi hɛnŋąą di kɛ a ka kɔ̨nɔ̨n, a ɉɛn Yai-Laa ka wɔ Yálái kaa pai dɛɛi ka pɔ.

Bible

¹⁴ À kɛ̀ a ǹɛyâai, ǹîa-pɛlɛɛi, daa-tûlɛ-ŋai é pɛ́lɛ zãai kpéli-ŋai dîa, ka dísiɣe a kápɔɔ. Zãai Káɣâlai Yâwɛɛ a gɛ̀ ka gula kákpɔara-ƃelai yêei kɔ́ sui gáa a kápɔɔ.

Dutɛrɔnome 20:14 Referans Kwoze

Zasua 8:2

Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Zasua 22:8

Yɛ diɛ: «Ka káá pənəi ka li ka wɔ pɛlɛ́ɠaai mu a hɛn gɔw kɛnɛ̨, da taatɛlɛɛ kpulu kɛnɛ̨, a wali, hɛni, ɓala kwɛli, kwɛli leelee, da həɠəɠaa, kpɔ tamąą. Ɉɛnŋąąi ka ɉɔlɔɓo a kɔ́ pulu hɛn ka yowoɠaa yəi, ka ɲąąkwɛlɛ, ka ka nąn nonnii ka lɔwai, 'ka di kɔ́.»

Lonon mo 31:9

Israɛlə lonnii di Madian nɛ̨ąą da di lonnii hon a kɔluwɔɠaa, di di wɔ taatɛlɛɛɠaai kəlee həɠə, daatɛlɛɛ kpulu kəlee, da di yəi hɛnŋąą kəlee.

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Mąątɛ̨nɛ̨ 68:12

Ną́mu! Ə nwɔ tínuąi tí, nwɔ wɛlɛɛɓo nuąi kaa a kɔlaɠa hu kɛnɛ̨.

Kɔlɔnikɔ Veerɛi 20:25

Ɉosafatə da nwɔ nuąi di pa di too di mɛ̨i, di di mąąkpoloon. Di taatɛlɛɛ kpulu tamąą kaa di pulu, da hɛngɔw, bɛlɛɛ, həɠəɠaa diɛ, da hɛn mąąwiɛɛɠaa, di ɉəɠə a di wɔɔ. Ɉɛnŋąą hukɛnɛ̨ pələ, di hvo pɛli lii a gəlee, hvo kɛli di hvóló haaɓa kɛ díɲąą hu. Mąąhɔlɔɓo damąąi kɛ.

Zasua 11:14

Israɛlə nuą di daaɠaa tii hu hɛnŋąą, da daatɛlɛɛɠaa kəlee həɠə a kɔ́ pulu hɛn. Kɛlaa, di nu kanŋaa kəlee paa kpɔ tɛ̨ɛ̨-tɛ̨ɛ̨, di hvo kpɛli nu ta lɛɛ a vulú.

Lonon mo 31:18

Kɛlaa nɛ̨ąąi di hvo ta hulɔnu mɛ̨nį kɛ li, ka di lɛɛ a di hvulú, a ka wɔɔ.

Lonon mo 31:12

di pa a gɔ́ luwɔɠaa Moisə pɔ, da ɉaláá laa həli mun Eleazarə, da Israɛlə lonnii kəlee, da ɉɛnŋąą kpɔ di di hon gɔ́ hu. Di gəlee ɲąąkpɔn ɓɛi di kɛ laa, Moabə Yee kɔ́wɔ mu, Ɉurdɛn kwɛlɛ, Ɉeriko tənə ma.

Lonon mo 31:11

Di di pulu pənə a gɔ́ honŋąą kəlee. Hɛn kpɔ di ɉon, ə kɛ a nu, ə kɛ a taatɛlɛɛ,

Lonon mo 31:15

Yɛ diɛ: «Éé! Ka nɛ̨ąą kəlee lɛɛ a di hvulú!

Dutɛrɔnome 20:15

Daaɠaai kpɔ tii di mąą kwɛa kaa, bələ ɓə ka káá pai di hon ɉii la, ə mą kɛ yiiɠaai di hvo a nɔi tii hu taaɠaa.

Dutɛrɔnome 2:35

Daatɛlɛɛɠaa lɔ ɓə gu di həɠə a kɔ́ honŋąą, da ɉɛngɔwɠaai kɛ daaɠaa gu di hon di hu.