Dutɛrɔnome 2:36 - Yálá laawoo hɛɓɛ (dc)

³⁶ Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Yálá laawoo hɛɓɛ

³⁶ Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Bible

³⁶ Taa-lêe da su núu fé kɛ́ ní a ŋ̀wála-wâla é seri kúpɔ. Kú kɔ̀ é kúla Arɔi nyii gáa Ano tiŋ-tiŋ koyaŋ ma da daa-leei nyii-ŋai díkaa diŋ-tiŋ samɛi, kú seri Gilia. Kúɣâlai Yâwɛɛ è gɛ̀ kú naa-ƃelai kélee yée mɛi ɣále.

Dutɛrɔnome 2:36 Referans Kwoze

Zasua 13:9

Ə həɠə Aroɛrə ɓa, Arnɔn yee lɔwai lɔi kwɛlɛ, ə həli daai tii heeni nɛ̨ŋɛ̨ lɔi hu, Madaba ɓa ə həli la Divɔn ɓa.

Dutɛrɔnome 4:48

Ə həɠə Aroɛrə ɓa, yaa tii gaa Arnɔn kwɛlɛ, ə həli la Siɔn yee ɓa, yaa lɔ ka tii da kɛ mą: Hɛrmɔn,

Dutɛrɔnome 3:12

Gu nɔi tii hon, Galaadə yeeɠaa bələ tɔ̨nɔ̨ da ɉu taaɠaa, ə həɠə Aroɛrə Arnɔn ɓa, ŋį́ dɛɛ Rubɛn da Gadə di wɔ nuą pɔ.

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Ɉeremi 48:19

'Ká tɔɔ bələi, 'ká bələ hɛlɛn dɛ; Aroɛrə nuą Ka bu nuą tii mąąni kɛ, kaa diɛ: Lə ɓə kɛ?

Azaya 17:2

Daaɠaai ɲee mu, nu hvo kɛa pai lɛɛi di hu, di kaa pai lɛɛi a taatɛlɛɛɠaa pɛlɛi, ɛlɛɛ, nu ta hvo pai kɛi di kpɛi.

Zasua 13:16

Ə həɠə Aroɛrə ɓa, Arnɔn ɓoloon gwɛlɛ lɔi, da daai tii heeni nɛ̨ŋɛ̨ lɔi hu, da ɲee lɔi tii Madaba kwɛlɛ gəlee.

Zasua 12:2

Diɛ ɓaa: Sihɔn Amɔrə tɔɔmun, ə kɛ heeni Hɛsbɔn. Nwɔ tɔɔlaa ə kɛi həɠə Aroɛrə taa ɓa, yaa tii heeni Arnɔn yá-ɓoloon bɔ da Galaadə lɔi bələ tɔ̨nɔ̨, yɛ həli la Yabɔkə yá ɓa, ə həli la da Amɔn lonnii di ɲɛ̨n ma.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Lɛɛ gbɔwɔ ɓa 23:31

Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Lonon mo 32:34

Gadə lonnii di pənə di Divɔn tɔɔ, da Atarotə, da Aroɛrə,

Nwun mąąɓo 11:22

Ə həɠə kpɔ Arnɔn lɔi ɓa, ə həli Yabɔkə ɲá ɓoloon bɔ; ə həɠə la nɔi pun ma pələ, ə həli la Ɉurdɛn ɓa.

Nwun mąąɓo 11:26

Aa kɛ kɛa a kwɛlan nwun ɉaaɓa, Israɛlə nuą heɛ kaa Hɛsbɔn da gwɛlɛɠaa, Aroɛrə da gwɛlɛɠaa, ɛlɛɛ da daaɠaai kpɔ di kaa Arnɔn koo ɓa. Lə mɛ̨nį ɓa nąąlɔwai ka hvo kɛ nąą həɠə li?

Samia Veerɛi 24:5

Di Ɉurdɛn teen, di li di tɔɔ Aroɛrə daai, yai Gadə ɲá ɓoloon bɔ ɉɛɠɛɛ pələ. Yili pulu, di li Yazerə daai.

Tɔɔɓɛlaa veelɛ 10:33

Ə həɠə Ɉurdɛn ɓa voló həɠəi pələ, Galaadə lɔi kəlee, Gadə nuą da Rubɛn nwɔ nuą, ə mą kɛ Manase nwɔ nuą di wɔ lɔi, ə həli nwɔ̨nɔ̨ Aroɛrə, yai Arnɔn ɓoloon nwəli la, Galaadə lɔi, da Basan lɔi.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.