Dutɛrɔnome 2:11 - Yálá laawoo hɛɓɛ (dc)

¹¹ Di kɛi di kaa yɛ Refaitə nuą, yɛ Anakə nuą; kɛlaa Moabə nuą di kɛi kɛ diɛ: Emi nuą.

Yálá laawoo hɛɓɛ

¹¹ Di kɛi di kaa yɛ Refaitə nuą, yɛ Anakə nuą; kɛlaa Moabə nuą di kɛi kɛ diɛ: Emi nuą.

Bible

¹¹ Yɛ̂ɛ Anakiŋ-ŋai, díkaa yɛ̂ɛ Lefaiŋ-ŋai, kɛ́lɛ Môa-ŋai da dítòli a Imiŋ.

Dutɛrɔnome 2:11 Referans Kwoze

Dutɛrɔnome 9:2

Di kaa a Anakə nuą, di kaa a nu huwu kɛnɛ̨ di yee muhəɠɛɛ. Gbaɠala kaa kaa, kaa ta mɛ̨n, diɛ mo ŋɛ̨i Anakə nuą laa mɛ̨i, diɛ kɛ diɛ: «Gbɛɛ ɓə a pɛli tɔɔi Anakə nuą tɔwɔ?»

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Lonon mo 13:33

Ku nu yee muhəɠɛɛ kowolo kowoloɠaa kaa hɔlɔ laa, diɛ ɓo a Anakə lonnii. Diɛi kulɔ nu kwɛa hveelɛi tii hu. Ku kɛi ku kpɔɔ kaa di mu yɛ poninŋąą, ɛlɛɛ bələ kpɔlɔ ɓə di kɛi ku kaa la.»

Lonon mo 13:28

Kɛlaa nu huwui laa heeni, di huwalawalaai, daaɠaa mąą tinɛ̨n ŋąą a hįį kpɛa-kpɛa, ɛlɛɛ ku Anakə nu huwu taɠaa kaa kpɔ laa heeni.

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Zɛnɛse 14:5

Gwɛlan bow kɔ́w nąąn nɔwai, Kedɔrlaomɛrə da dɔɔɓɛlaai ŋɛ̨i kɛ di tɔɔ, di di ŋąąkpɔn, di kɔ́ pɛlɛ Refaitə ɓa, di yee ə tɛɛ mą Astarotə-Karnaimə, di yee ə tɛɛ Ɉuzə nuą diɛ Hamə, di yee ə tɛɛ Emi nuą diɛ Kiriataimə nɛ̨ŋɛ̨ lɔi hu.

Dutɛrɔnome 2:20

Di kɛi nɔi tii kaa yɛ Refaitə nuą di wɔ lɔi. Tɛ̨ą li kpɔ, Refaitə nuą di gbɛa kɛ laa toloo toloo, Amɔn nuą di kɛi kɛ di laa ɓaa: Zamzumə nuą.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Zɛnɛse 6:4

Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Samia Veerɛi 21:16

Yisbi-be-Nɔvə yai a Harafa huwu ta, kpala ta ə kɛ ɲəi, nwiɛ yee ə ɓo a kilə haaɓa da gbulɔ ə ɓo a ɓala kwɛli, kɔ́ kɔ́ hɛnŋaa nįnɛ̨ di ɓo ɲəi. Ɉulɔnui tii ə kɛi bilinmo a Davidə paa mɛ̨nį.