Dutɛrɔnome 19:15 - Yálá laawoo hɛɓɛ (dc)

¹⁵ Mąą hvo nɛ̨ɛ̨li nu tɔ̨nɔ̨ nwɔ kɛla hvaa hvo nɛ̨ŋɛ̨n gɛmun, a wala kɛ tii, nu paamun giti tee, hvo kɛli nu hveelɛ ɉaaɓa, nwɔ kɛla hvaa ɓə da pɛli mɛ̨nįi tii hutɔɔi la.

Yálá laawoo hɛɓɛ

¹⁵ Mąą hvo nɛ̨ɛ̨li nu tɔ̨nɔ̨ nwɔ kɛla hvaa hvo nɛ̨ŋɛ̨n gɛmun, a wala kɛ tii, nu paamun giti tee, hvo kɛli nu hveelɛ ɉaaɓa, nwɔ kɛla hvaa ɓə da pɛli mɛ̨nįi tii hutɔɔi la.

Bible

¹⁵ “Káfe mɛni-sâa ŋáa tèe sêre tɔnɔ wóo ma. Ka mɛni-sâa ŋáa tée sêre feerɛ kpaa máŋ sêre támaa wóo ma.

Dutɛrɔnome 19:15 Referans Kwoze

Lonon mo 35:30

«Nu paa mɛ̨nį lɔpee hu, di hva pɛli nu paamun baai, hvo kɛ li nu tamąą da gbɛa mąą kɛla hvaa ɓo. Mąą hvo nɛ̨ɛ̨li di hvo nu paa nu tɔ̨nɔ̨ woo ɓa.

Korɛntə veelɛ 13:1

Gáá pai ká pɔɔli a ɉaaɓanąn. Mɛ̨nį kəlee ɲɛ̨i kaa pai kulɔi, nu hveelɛ, ɉaaɓa ŋą kɛla woo mɛ̨i.

Dutɛrɔnome 17:6

Kəla hveelɛ ɉaaɓa woo hukulɔ woo mɛ̨i ɓə, mąąnɛ̨ɛ̨ nui haa kaa mą, da baa la. Di hva baa a nu tɔ̨nɔ̨ woo.

Hebreu 10:28

Nu ta a Moisə ŋą tɔ́n gala kɛ, nu hveelɛ ɉaaɓa di mąą kɛla hvaa ɓo, kɛlɛi di hva mąą nu mąąwɛlikaa, da baa-e?

Maafîu 18:16

Awala ɉɔn gɔlɔn, li ə́ doo nu tɔ̨nɔ̨ a wala kɛ tii nu hveelɛ ɓa. Ya ɓə a gɛ, mɛ̨nįi tii ə ɓo nu hveelɛ Ɉaaɓa nwɔ kɛla hvaa mɛ̨i, yɛ pələi Yálá laawoo hɛɓɛ́ kaa moi la, yɛ kɛ mą: ‹Nu hveelɛ ɉaaɓa di wɔ kɛla hvaa kaa a tɛ̨ą.›

Timote dɔlɔɔ 5:19

Da nu pɔlɔ ta kalamąɓo yɛ́, hvó humo a ə́ haŋąą mą, akɛ kɛla hveelɛ ɉaaɓa woo hvəə.

Ɉaan 8:17

Ka wɔ tɔ́n ɉɛɓɛ́ hu, bɛ̨ɛ̨i mun hɔlɔɔ diɛ mą: nu hveelɛ nwɔ kɛla woo kaa a tɛ̨ą.

Tɔɔɓɛlaa dɔlɔɔ 21:13

Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.

Tɔɔɓɛlaa dɔlɔɔ 21:10

Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Ɉaan 7:51

«Gu wɔ tɔ́n a mɔ̨ɔ̨ pɛli nu ta kiti teei, yii di hvo nwoo mɛ̨n ni, di hvo ɉɔn gaa.»