Dutɛrɔnome 18:9 - Yálá laawoo hɛɓɛ (dc)

⁹ Nɔi Yai-Laa ka wɔ Yálái kaa pai dɛɛi ka pɔ, ka pa həlii ɉu, nu huwui tii laa, ka hvo di wɔ kɛɛ kala túwɔ́i tii mąąkwɛli, ka hvo di pɔɔ kɔ́ɔn.

Yálá laawoo hɛɓɛ

⁹ Nɔi Yai-Laa ka wɔ Yálái kaa pai dɛɛi ka pɔ, ka pa həlii ɉu, nu huwui tii laa, ka hvo di wɔ kɛɛ kala túwɔ́i tii mąąkwɛli, ka hvo di pɔɔ kɔ́ɔn.

Bible

⁹ “Ka seri ǹɔii su Káɣâlai Yâwɛɛ a dɛɛ̂i kápɔi káfe naa lɔii-ŋuŋ-ŋai su-ƃelai dítûa-pere nyɔ́mɔɔ-ŋai da maa kɔ̂ri.

Dutɛrɔnome 18:9 Referans Kwoze

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Tɔɔɓɛlaa veelɛ 17:8

Nuąi di hvo kɛ Yai-Laa kɔ́lɔn, di hvilɛn gɛa di yíi pələ pulu, a nɔiɠaa ŋɛ̨i Yai-Laa ə ɉu nuą hu kala Israɛlə lonnii mąą mɛ̨nį ɓai. Yili ɓə Israɛlə tɔɔɓɛlaa di gɛ.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Tɔɔɓɛlaa veelɛ 17:11

Ɉali kɔ́iɠaa kəlee ɓa, di kɛi lansan kələn naa, yɛ bələi nu huwuɠaai Yai-Laa ə di kpɛ di ɲɛ̨itɔwɔ di kɛi gɛ la. Di kɛi mɛ̨nį ɲɔ̨nŋaa kɛ a Yai-Laa nwąną lɔ pələ.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Ɉeremi 10:2

Yai-Laa yɛ diɛ: «Ka hvo ka hiɛ pələ kɔ́ɔn lɔi takpɛliɠaa di wɛi ɓa! Ka hvo ka kpɔɔ ɓowo a yələ kwəi hɛnŋaa. Lɔi takpɛliɠaa ɓə da di kpɔɔ ɓowɔ a yiliɠaa.