Bib sou entènèt

Paj dakèy
Bib sou entènèt
Dutɛrɔnome 18:18

Dutɛrɔnome 18:18 - Yálá laawoo hɛɓɛ (dc)

¹⁸ Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Gade chapit la Kopi

Yálá laawoo hɛɓɛ

¹⁸ Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Gade chapit la Kopi

Bible

¹⁸ Ŋa pâi dítɔnɔ siɣêi zu ŋá gɛ́ a ŋálono kɛ́-nuu yɛ̂ɛ yá. Ŋa pâi ŋ́oo pûi ǹá. M̀ɛnii kélee ŋa pâi bûi ǹái a pâi môi dîa.

Gade chapit la Kopi

tounen moute ⬆

Dutɛrɔnome 18:18
40 Referans Kwoze

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.

Ɉaan 4:25

Nɛ̨ɛ̨nui tii yɛ Jesus ɓa: «Gílí kaa ɉu gɛ́ diɛ: Nwun mąąɓomun Yálá ə naakwɛlanmo, gaa pai pai; yii da kɛ mą: Kristə. Ɓɛlɔwai gaa pai pai la, gaa pai mɛ̨nį kəlee huponoi a kuɔ.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Ɉaan 17:18

Yɛ bələi ə́ dɔ́ɔ́ la yɛnɛ̨ɛ̨, ɲą́ą́ gbɛli gáá di tɔɔi tii yɛnɛ̨ɛ̨.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Hebreu 7:22

Yili mąą mɛ̨nį ɓa, Jesus ɓə a mįnɛ̨i tii hukɔw.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Dutɛrɔnome 33:5

Yesurun aa tɔɔmun ɉɔlɔɓo, Ɓɛlɔwai nwun nąmįną di di ɲąąkpɔn na, da Israɛlə nuą kəlee.

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Dutɛrɔnome 5:5

Ɛlɛɛ ɲą́ą́n, ŋį́ ɓo tɔɔni ka Yai-Laa ni ka lɔwai. Gɛ́ Yai-Laa lawoo laa həli kaa. Mąąhɔlɔɓo, ka kɛi ɲɔw nwɔ̨n ma, yili ɓə gɛ ka tɛ ɲee ɓa. «Ə mo yɛ diɛ:

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Gɛlaɠaa 3:22

Moisə ə wɔlɔ kɛ diɛ: ‹Nąmu ka wɔ Yálá, kaa pai Yálá kwəi mɛ̨nį hukulɔ mun da tɔɔi, ə pa ka pɔ, yɛ pələi gáá la, yɛ ɓo a ka huwu ta, yii lɔpee gaa pai moi, ka káá pai ka wəli tɔɔi ma.

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Lonon mo 23:5

Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Dutɛrɔnome 34:10

Gulaa Moisə pulu, Yálá kwəi mɛ̨nį ɓomun da hvo kɛa hɔlɔɓo Israɛlə lɔi hu, yii da Yai-Laa di kɛi mɛ̨nį ɓo di kee ɓa laaləi da laaləi.

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Amɔsə 2:11

Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Lonon mo 23:16

Yai-Laa ə pa Balaamə pɔ, ə woo ta lɔ na, ə gɛ yili ə li ə mo Balakə ɓa.

Osia 12:14

Kɛlaa, Yálá kwəi mɛ̨nį hu kulɔ mun da yee ŋą ɓə Yai-Laa ə Israɛlə kulɔ la Eziptə lɔi hu, yɛ paa la; Yálá kwəi mɛ̨nį hu kulɔ mun da ɓə Israɛlə mąą kɔ́nwɔ̨.

Swiv nou:

Lyen patwone

Piblisite

Piblisite