Dutɛrɔnome 17:17 - Yálá laawoo hɛɓɛ (dc)

¹⁷ Mąą hvo nɛ̨ɛ̨li nɛ̨ą kpulu kɛnɛ̨ hvo kɛ ɲəi, mąąhɔlɔɓo, yili a pɛli nwɔ kiliŋąhiɛ mąą pənəi gwəi, yɛ nwɔ kiliŋąhiɛ hvilɛn wali ɓa a wala kɛ tii, hɛni ɓa, yɛ kɛ diɛ ə kɛ ɲəi kɛnɛ̨.

Yálá laawoo hɛɓɛ

¹⁷ Mąą hvo nɛ̨ɛ̨li nɛ̨ą kpulu kɛnɛ̨ hvo kɛ ɲəi, mąąhɔlɔɓo, yili a pɛli nwɔ kiliŋąhiɛ mąą pənəi gwəi, yɛ nwɔ kiliŋąhiɛ hvilɛn wali ɓa a wala kɛ tii, hɛni ɓa, yɛ kɛ diɛ ə kɛ ɲəi kɛnɛ̨.

Bible

¹⁷ Vé nɛnî támaa kùla. À gè tí, gɛ̀ ní da pâi gɛ̂i é bôlu tɔɔ Yâwɛɛ ma. Vé gáne da gôoi dámaa sìɣe ǹyaa tɔ̂nɔ mɛni ma.

Dutɛrɔnome 17:17 Referans Kwoze

Nehemi 13:26

Kɛlɛi mɛ̨nį huwui ŋɛ̨i ɓə wɔlɔ gɛ, Israɛlə tɔɔmun Salomɔn yɛ nɛ̨ŋɛ̨n ɉəɠə-ee? Kaa kpinįi ka gaa, hį́i lɔpee gəlee lɔwai, tɔɔmun da nwɔ tɔɔlaa hvo həli Salomɔn nwɛi pɔ, nwɛli ə kɛ nwɔ Yálái ɓa, ə lɛɛ, Yálá ɓə ɉee Israɛlə nuą nwun na a tɔɔmun. Kɛlɛi yaa tii ɓə nwɛ̨ą nɛ̨ąą di ŋąą nɛnɛn, di nɔ nɛ̨ŋɛ̨n ɉu.

Maafîu 19:5

Yili pulu ə mo yɛ diɛ: «Yili ɓə gaa mą, hulɔnu a nąn da nee di lɛɛ, ə pa, da nɛ̨ą di pɛlɛ di kee ɓa diɛ kɛ tɔ̨nɔ̨.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Zɛnɛse 2:24

Yili ɓə gaa mą, hulɔnu a həɠə nąn bɔ, ə həɠə nee pɔ, ə yili nɛ̨ą ɓa, da yaa di kɛ a nu tɔ̨nɔ̨.

Malasi 2:15

Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Tɔɔɓɛlaa dɔlɔɔ 10:21

Tɔɔmun Salomɔn kpələ hɛɲąŋą kəlee di kɛ a hɛni, Liban wəla mu hɛnŋąą kəlee di kɛ a hɛni leelee, da hvo kɛ a wali kwɛli. Tɔɔmun Salomɔn nwɔ yələi, wali kwɛli dɔlɔ hvo kɛ mą.

Samia Veerɛi 5:13

Həɠəi Davidə ə mo Hebrɔn ə pa ə hee Ɉerusalɛmə, ə nɛ̨ą takpɛliɠaa həɠə a nɛ̨ąni, ɛlɛɛ, ə wɛliɠaa hon. Ə lon ɉinąą da lon nɛ̨ąą kaa nwɔ̨nɔ̨ laa.

Samia Veerɛi 12:11

Yai-Laa woo ka: yɛ diɛ: ə́ ɲɛ̨i hee laa, kpaloi pai ɓɛlai yɛ́, a kulɔ ə́ yəi bɛlɛ́n, ŋą́ ə́ nɛ̨ąni həɠə ə́ ɲɛ̨i ɓa, ŋą́ di tɛɛ ə́ hee yɔwɔ pɔ, yɛ laa a ə́ nɛ̨ąni ə́ ɲɛ̨i ɓa hvóló ŋą ɉə-ɉə.

Tɔɔɓɛlaa dɔlɔɔ 10:27

Gɛ pələi tɔɔmun ə gɛ la, wali ə kɛnɛ̨ Ɉerusalɛmə yɛ kwɛni wəyan, ɛlɛɛ, kpitili wulɔ kɛnɛ̨ laa yɛ ɓɔlaa wuluɠaai nɛ̨ŋɛ̨ lɔi hu.

Kɔlɔnikɔ Veerɛi 1:15

Tɔɔmun ə gɛ pələ kwɛli mą, wali da hɛni di kɛ lɔ Ɉerusalɛmə yɛ kwɛni wɛan; ɛlɛɛ, kpitili wulu ə kɛnɛ̨ laa yɛ ɓɔɔla nɛ̨ŋɛ̨ lɔi hu.

Kɔlɔnikɔ Veerɛi 11:21

Roboamə ə Absalɔn lon nɛ̨ɛ̨nu Maaka wɛli la kɛ ə dɛɛ nwɔ pɛlɛ́ leenɛ̨ąɠaa da nɛ̨ąni takpɛliɠaa kəlee diɛ. Hvo gaai, nɛ̨ąni kpɔɔ di kɛ a nu pow kɔ́w mɛ̨ihaaɓa, nwɔ wɛlinɛ̨ąą di ɓo pow mɛ̨ida. Ə lon ɉinąą kaa a nu pow hveelɛ gɔw mɛ̨ihaaɓa, ə lon nɛ̨ąą kaa a nu pow mɛ̨ida.

Hanwon 31:3

'Hvó ə́ hvaŋą tɛɛ nɛ̨ąą pɔ, nɛ̨ąąi da tɔɔɓɛlaa too, 'hvó hvilɛn di pulu.

Kɔlɔnikɔ Maa-ŋuŋ 14:3

Davidə ə tinɛ̨n nwɔ̨nɔ̨, ə nɛ̨ąą takpɛliɠaa həɠə, ə lonŋaa kaa diɛ.